benvegnus Noeles.net - Informazion ladina
Noeles.net
    Vos ne seis nia loghé ite.   [ Loghé ite ]    

Le naufraje dla legia litala
scrit ai 06 November 2002 da les 12:28:13 da noeles

Politica

 

L naufraje dla legia litala

An ne é nia jus ite sun na ghiranza giustificheda: doi raprejentanc ladins tl Consei

Do le naufraje dla proposta de legia litala dl Presidënt dla provinzia, dr. Durnwalder, te Consëi in l'edema passada, se dij le rapresentant ladin dr. Carlo Willeit sodesfat: "I ladins n'é nia ciamň gnüs metüs daldöt sot a ghirau". Söl retrat: le Vize Presidënt dl Consëi dr. Carlo Willeit y le Presidënt dla Lista Ladins Dr. Giovanni Mischě, trami contënc che la sterscia oposiziun cuntra le sboz de legia litala ŕ paié la mëia.



An n'é nia jüs ite sön na ghiranza iustificada: 2 scagns tl Consëi por i Ladins La maioranza orô ma stlüje fora na rapresentanza ladina autonoma Sön les propostes de Willeit n'éson nia jüs ite: la maioranza (danfora la SVP) á refusé vigni ghiranza por na miů rapresentanza dla populaziun ladina tl Consëi Provinzial, sides dan che tratan la trataziun dla proposta de legia litala te consëi, dij Willeit. Sües ghiranzes por na miú rapresentanza di Ladins fô: la lîta direta de en mandatar tres la populaziun ladina (en cërtl lital) y la ghiranza de 2 scagns, un a livel de valada y un a livel provinzial. Chisc dui punc é categoricamënter gnüs refusęs dala maioranza y chësc cundöt che al vir te Südtirol incër 20.000 ladins y sc'an arata che al ti speta a vigni 13.000 abitanc un en aconsiadů provinzial. Tla provinzia vijina de Trënt éson stęs plü de mania leria, por i 8.000 ladins-fascians él gnü formé, se basan sön la medema garanzia statala, en cërtl lital aposta y an ti ŕ resservé por legia 1 en scagn tl Consëi Provinzial de Trënt. Al é da sotlinié che al vir te Fascia 8.000 ladins, deperpo che tla provinzia da Balsan nen vírel sö por 20.000. N'atra rajun por ghiré 2 scagns, dij Willeit, él che te Südtirol val debojëgn por surantó les inciaries de vize-presidënt dl Consëi y de assessur tla junta provinziala de dui mandatars ladins litęs tl Consëi. Na rapresentanza politica autonoma é fondamentala por n'ester nia dagnora tla posiziun dl "petler". L'ultima rajun é bëgn la tlé por la refüsa dapert dl partí de maioranza (la SVP), va inant Willeit. "I Ladins ne po nia avëi na süa politica autonoma, mo ai dess romagne sot a ghirau dla SVP, dla ex-DC, di Vërc, di Cöci o di Blanc, i Ladins n'á degügn bojëgns speziai, ëi n'é nia en grup etnich. La orenté de mëte i ladins sot ghirau é tlermënter gnüda a löm tratan dötes les discusciuns", insciö ressumëia Willeit desplajü le decurs dla debata te Consëi. La proposta de legia de Durnwalder, che odô danfora en indeblimënt sostanzial dla rapresentanza dla mendranza ladina, é porchël ince gnüda blocada cun düc i mesi a desposiziun denant co passé ala plöra dan dala Curt Costituzionala.

 
Liams emparentés
· Deplú sun l tema Politica
· Chier te noeles


L articul plu liet te chest tema Politica:
Südtirol: Karte mit historisch gewachsenen Namen


Valutazion dl articul
Cumpeida mesana de oujes: 4.87
Oujes: 8


Preibel toledeves dlaorela de valuté chest articul:

ezelent
dret bon
bon
normal
sclet



Empostazions

 Plata da stampé  Plata da stampé

 Ti ortié chest articul a n/a amich/a  Ti ortié chest articul a n/a amich/a


Per l contegnú di comentars é l autour dl medem responsabel

Comentars anonims n'é nia ametus, preibel registredeves denant
News ©
 
  www.noeles.net



Impressum: Plata on-line publicheda da l'Union Scritours Ladins Agacins - Redazion: Bulsan noeles.info@gmail.com


Implatazion: 0.387 seconc