Les raprejentazions va inant enfin ai 17 de aost tles valedes ladines, a Bornech y a Bulsan

Enseira él pié via la roda de "Some de na nuet d'isté" con la pruma raprejentazion a Al Plan de Mareo.  Al se trata de n classich de William Shakespeare, enscené lediamenter te na maniera frescia y moderna con mujighes aldò (funk, rock, blues, chilao), componudes da Alessandro Trebo sot la regia de Benedetta Frigerio e Valentina Kastlugner. I joblers ladins a la pert pro chesta coproduzion ladina-taliana: Christian Pescosta, Erika Castlunger y Bernardetta Nagler. 

Trueps se á fat permez. N spetacul con bendebot de moviment che se barata ju a na maniera saurida anter ladin y talian sun n tema dagnora atual: l amour, i sentimenc y les entravaies che resulteia. Al ne mancia nience i strionec y i elfs dl bosch a mete sotissoura. Ensnuet raprejentazion a La Ila.

L Some de na nuet d’isté conta la storia de cater joegn liés te n raport de sentimenc entorcolés, ma che vegn scassés y archités su da les families y da les leges dl post. Canche ai damana l grof de apajé via la chestion ti dìjel de respeté la lege, zenza méssei s’un jì tl esil. Pervia che ai refudeia de se arbandoné a si destins cruedesc tol i cater enamorés la dezijion de s’un sciampé te bosch. N grup de artejans tl laour de enjigné ca n spetacul teatral per la noza dl sovran che gnirà tost festejeda y ence ei tol la dezijion de jì te bosch a fé les proes. Ma l bosch é desturbé da les stritaries dl re y dla regina di elfs, stritaries che toca dut cie che ti sta entournvia: joegn enamorés y artejans laprò. Y enscì, anter juesc, coionaries y de tel pices vendetes y con l aiut de si strionec ruva les creatures dl bosch a sciuré sotissoura y a mescedé i sentimenc de vignun. L strionet endere ne vala nia da tegnì su plu che entant: al orì dl soredl dl cuart di, dant la noza dl grof, messarà l strionet se desfanté. A la fin se mesceida i pers sciche al auda, enscì gniràl festejé en la nuet de mez isté trei nozes: chela di cater joegn y chela dl re, festejedes con l spetacul tragicomich di artejans.

Calender

Orar	Luech
27 messel '04, da les 21,15	La Ila - Salf dles manifestazions
28 messel '04, da les 21,15	San Martin de Tor - Paion
30 messel '04, da les 21,00	La Val - Salf dles manifestazions
2 agost '04, da les 21,15	Corvara - Salf dles manifestazions
3 agost '04, da les 21,00	Al Plan de Mareo - Salf dles manifestazions
4 agost '04, da les 21,00	Bornech - Ciastel
6 agost '04, da les 21,15	Urtijei - Cesa di Ladins
8 agost '04, da les 21,15	La Ila - Salf dles manifestazions
10 agost '04, da les 21,15	San Martin de Tor - Museum Ladin
11 agost '04, da les 21,00	Reba - Salf dei congresc
12 agost '04, da les 21,00	Bulsan - Plaza Walther
13 agost '04, da les 21,00	La Val - Salf dles manifestazions
16 agost '04, da les 21,00	Toblach - Zenter Cultural Grand Hotel
17 agost '04, da les 21,00	Al Plan de Mareo - Salf dles manifestazions

Projet Licia Dragotto, Valentina Kastlunger; traduzion y adatazion dl test Barbara Valli; traduzions per ladin Daria Valentin; regia Benedetta Frigerio y Valentina Kastlunger; joblers Daria Castellini, Erika Castlunger, Benedetta Frigerio, Aram Kian, Bernardetta Nagler, Mauro Pescio, Pietro Pilla, Alex Valentini, Giulia Valli; musizisc’ y joblers Andrea Benini, Christian Pescosta, Roberto Zecchinelli; mujiga y adatazions Alessandro Trebo; scenars y costums Alexia Engl e Julia Libiseller; grafica y assistenza ala scenografia Ursula Tavella; lumes Paolo Latini; organisazion Licia Dragotto.

L projet é gnù realisé con l sostegn de:
Assoziazion turistica de Al Plan, Fondazion Cassa dl Sparagn de Bulsan, Istitut Ladin “Micurà de Ru”, Museum Ladin “Ciastel de Tor”, Provinzia Autonoma de Bulsan.

D'enjonta à daidé:
Assoziazion Culturala Il Talaio, Assoziazion turistica Alta Badia, Comun de Corvara, Comun de Fodom, Comun de La Val, Comun da San Martin, Comunanza Ladina de Bulsan, Consei Cultural tl Comun de Badia, Radio Gherdeina.

Informazions pro:
Assoziazion culturala ErehwoN
Streda Antersì, 5 - 39030 Al Plan de Mareo (Bz)
tel. 349 4449431 - mail@erehwon-info.it

Sia plata internet:  http://www.erehwon-info.it