Les plu beles dla bacheta sun paion
Les joenes spazirará dant da na juria con anterite esponenc dl turism local y l ombolt - en sabeda, 17 de messel y ai 1 de aost
Per l secont ann endolauter fej l concurs de beleza de MISS Italia, sun iniziativa dl'assoziazion turistica de Mareo, n'architeda a Al Plan de Mareo y plu avisa en sabeda che vegn, ai 17 de messel, da les 21.00 pro l paion dles manifestazions a meteman da les 21.00. N clap de joenes spazirará dant a la juria, componuda da esponenc dl turism y dla vita publica locala, anter chisc ence l ombolt de Mareo, Albert Palfrader. L event vegnirá viventé musicalmenter y con entrategniment.
Tl cheder dla selezion de Miss Italia él vedú dantfora ciamò n auter apuntament, tres a Al Plan, en domenia ai 1 de aost sun plaza de gliejia, con la vela dles does finalistes. La cerna vel desche prefinala a la finala che vegnirá tegnuda a Salsomaggiore Terme de setember 2004. En l ann passé ova davagné les does joenes Elisa Martina y Erica Panizzon, entramesdoes vicentines y ruvedes tla finala. Sce al essa da ester rie temp jirán tl salf dles manifestazions. Dessot les does vencedoures da en l ann passé con Kristian Ghedina anterite.
