Dí tl segn dl folclor y dla mujiga
Tendon metú en pé ti prés davejin a la frazion de Ciastel - Eserzitazion dl Aiut Alpin da Fodom
L program dl dí veid dantfora che dutes les raprejentanzes dles cinch vals ladines dl Sela, deberieda ai grups che animará la festa, se abine sun mont de Ciastel, olache da les 10,00 piaràl demez la desfileda folcloristica che ruvarà enfin a damprò al ciastel d'Andrac. Da les 10,30 vegniràl dit la Messa ladina, cianteda dal Cor Fodom. A la fin saludará les autorités duc chi che à tout pert. La festa la jirà inant con l conzert di corgn da mont y dla mujiga da Rina. Da les 12,30 podaràn vedei n’eserzitazion dl Aiut Alpin da Fodom.
L Di dl'Unité recorda l'enconteda de revendicazion sun l jouf dl Sela dl 1946, oláche al s'ova abiné 3000 ladins do la vera per damané de vegní endò unis. Dal 1996, 50 agn dedò, vegn l Dí recordé vigni ann sun iniziativa dla Union Generela.
Da les 13,00 inant podaràn marené tl tendon metú en pé ti prés davejin a la frazion de Ciastel. Per l domesdì, da les 14,30 inant, tres sot al tendon, mujiga y folclor ladin. Chi che à vueia podarà jì a vedei l ciastel con n acompagnadour. L "Dì dl’Unité Ladina" é vegnú metù a jì da l’Union Generela di Ladins dles Dolomites con l contribut dles Unions di Ladins dles valedes y di Comuns de Fodom y de Col de Santa Lizia.
de Lorenzo Soratroi
