benvegnus Noeles.net - Informazion ladina
Noeles.net
    Vos ne seis nia loghé ite.   [ Loghé ite ]    

Streda dla Val Badia: situazion atuala
scrit ai 09 July 2004 da les 20:02:11 da noeles

Aministrazion

 

I laours vegnirá ruvés dl 2005 

Streda dla Val Badia: encuei domesdí enconteda d'informazion sun l plazal di laours a Mantena Todescia - Na dezijion da tó: l desviament de Lungega 

La firma de costruzions Grassetto á ruvé l 60% di laours pro la streda dla Val Badia, enscí él vegnú splié encuei en gaujion dla enconteda a Mantena Todescia al scomenciament dla Val Badia a chela che al fova prejent l assessour ai laours publics Mussner, l diretour di laours Julius Mühlögger y i tecnics Fulvio Pisetta y Aldo Marzola. Enfin a sen él vegnú spenú 54,5 milions de euro per derturé la streda. Ence sce an s'á entardivé chesta aisciuda per gauja dles pluevies, dess i laours empò vegní finis do termin, vuel dí anter l 2005 per podei daurí la streda, anter l 2007 deplen. Chest él vegnú reconfermé encuei. Laours pro l prum tunel.



I laours de derturament interesseia perdret demé 6 chilometri de streda al scomenciament dla Val Badia, ma i plu burc. La streda vegn trata plu endert, deslargeda y ará 5 tuniei. D'enjonta dess truepes mesures de segureza sconé la streda nueva da roes y smueies, dagnora tant temudes. Chesta aisciuda fova i laours propi vegnus tegnus su da les gran pluevies che ova gaujé smueies y ruvijes. Atualmenter laóren a ritm plen:  4 di 5 tuniei é forés tres, pro l terz tunel máncel demé plu 10 metri. La firma de costruzions stradales Grassetto é tl mete ju i gran pei per l majer pont. La streda dess vegní daurida al trafich anter dezember 2005, enscí les empromiscions dla firma, enfin al 2007 vegnirál fat duc i laours de sistemazion. Do l'enconteda á i prejenc podú vijité l plazal de laour dla firma. Ti proscims meisc déssel finalmenter gní tout la dezijion deberieda ai comuns dla Val Badia, ma dantaldut  dal comun de Mareo, sce an vuel fé la zirconvalazion de Lungega, voluda da duc, ma nia dai abitanc da Lungega che pesima y se para. La jonta provinziala á stanzié i mesi finanziars per l ressanament dl trat de streda a Punt de Fer, atira sot Pedraces. 
La streda dla Val Badia é sen d'isté daverta basite entratant duc i fins dl'edema, entratant i dislaour méssen transié sun les stredes panormiches. L'ultima edema de messel vegnirá la streda daurida deplen, restan spo daverta per dut l meis de aost, desche i autri agn. (fontana: osp).

 
Liams emparentés
· Deplú sun l tema Aministrazion
· Chier te noeles


L articul plu liet te chest tema Aministrazion:
Dal Ofize chestions linguistiches: does verscions ladines dl Statut de autonomia


Valutazion dl articul
Cumpeida mesana de oujes: 0
Oujes: 0

Preibel toledeves dlaorela de valuté chest articul:

ezelent
dret bon
bon
normal
sclet



Empostazions

 Plata da stampé  Plata da stampé

 Ti ortié chest articul a n/a amich/a  Ti ortié chest articul a n/a amich/a


Per l contegnú di comentars é l autour dl medem responsabel

Comentars anonims n'é nia ametus, preibel registredeves denant
News ©
 
  www.noeles.net



Impressum: Plata on-line publicheda da l'Union Scritours Ladins Agacins - Redazion: Bulsan noeles.info@gmail.com


Implatazion: 0.402 seconc