benvegnus Noeles.net - Informazion ladina
Noeles.net
    Vos ne seis nia loghé ite.   [ Loghé ite ]    

Statut de autonomia per gherdeina y badiot, promozion dla dejunion ladina
scrit ai 09 July 2004 da les 12:34:44 da noeles

Desvalives

 

Ofize linguistich dl assessorat ladin: net deguna cherianza!

Les traduzions dl statut de autonomia é vegnudes fates mel dal "original" - Les pueces adatazions fates destorj enfinamai l segnificat - An valutará les condizions per na plura dij Carlo Willeit

Se scrive permez la " traduzion" dl statut de autonomia tl badiot y gherdeina zenza anunzié les traduzions ladines bele dantman tl ladin standard, fej pert dla tradizion politica de fé l gran con la roba dai autri.L ofize stampa provinzial ne á fat deguna traduzion nueva, ma á scrit ju l statut de autonomia ladin laoré fora scientificamenter y linguisticamenter da na comiscion de linguisc' y giurisc', sot a la responsabelté, con i cruzes y con i scioldi dla frazion LADINS  y dai comissars- colaboradours enstesc. Assessorat Ladin: copié ju l statut de automomia da les edizions te Ladin standardisé, ma zenza l dí, no tla introduzion no enzaul d'auter. Traduzions  de deguna valuta.



La traslazion dl test ladin unifiché te doi tesc' dialetai - cie che l ofize stampa á fat - ne é deguna traduzion de n test giuridich, ma na copia de n gran bel  laour original con valch pice adatament. Per  vedei tant inant che chisc adatamenc linguistics destorj l significat giuridich vál ciamò debujegn de confronté y ejaminé i tesc' plu avisa, ma l dann y no l merit de chest laour de rescrizion dialetala é dessegur chel da desfé na opera ladina, che per materia, interes y politica linguistica toca da ester unitara. La mancianza de cherianza di servisc publics é chela  che an á adoré  les does edizions, dl 1996 y dl 2002 dla frazion LADINS zenza damané o rejoné na parola con i autours de chestes edizions, entramesdoes con i derc resservés y che an á publiché y publizisé i tesc' dialetai zenza mez n referiment al dret original y a si autours. Do avei ejaminé miour l fat vedarán sce an pó fé valch vare ence dal vers legal contra la Provinzia. 

 Carlo Willeit - LADINS

Liam a n auter articul sun l argoment: 

Statut de autonomia sen ence ti idioms

 


 
Liams emparentés
· Deplú sun l tema Desvalives
· Chier te noeles


L articul plu liet te chest tema Desvalives:
Aiut Alpin Dolomites: sajon da d'isté dant porta


Valutazion dl articul
Cumpeida mesana de oujes: 5
Oujes: 2


Preibel toledeves dlaorela de valuté chest articul:

ezelent
dret bon
bon
normal
sclet



Empostazions

 Plata da stampé  Plata da stampé

 Ti ortié chest articul a n/a amich/a  Ti ortié chest articul a n/a amich/a


Per l contegnú di comentars é l autour dl medem responsabel

Comentars anonims n'é nia ametus, preibel registredeves denant

Re: Staut de autonomia per gherdeina y badiot (ponc: 1)
da Janpire ai 09 July 2004 da les 15:04:12
(Infos sun l utilisadour | Ti mané n messaje privat)
Finalmenter zachei che se lascia adentene. Tla intervista che TRAIL (la TV-Ladina) ti á fat a les does colaboradesses dl ofize án abú mancia propi chesta domanda da pert dla jornalista. Eles enstesses ne á nia abú la cherianza de l dí, na cossa dassen demarevueia savan che al fova enfinamai does edizions dant. Willeit ova bele n iade dit che i media-ladins é dassen debli y con chel ál rejon, enfinamai sie ex-colaboradour Lardschneider ruva a definí la esclujion dl LS te n comentar sun la USC desche na dezijion ben penseda dl assessour, Rigo, capo-redadour a dí do les lites "Mussner, n candidat simpatich y uman", .... sce chesta é la dreta streda, de se storje enfin via per tera per n contribut .... la fauzité organiseda.



Re: Statut de autonomia per gherdeina y badiot, promozion dla dejunion ladina (ponc: 1)
da Janpire ai 09 July 2004 da les 15:45:08
(Infos sun l utilisadour | Ti mané n messaje privat)
Rejon: chesta jent á fat la traduzion per ladin standard zenza vegní paiés endertura y chel per meisc, tl comunicat de prejentazion nia de nia ..... chilò méssen sauté su dant da n tel comportament desfrunté!!!



Re: Statut de autonomia per gherdeina y badiot, promozion dla dejunion ladina (ponc: 1)
da travers ai 09 July 2004 da les 19:07:22
(Infos sun l utilisadour | Ti mané n messaje privat)
L ofize linguistich dl assessour ladin desmostra almanco una na cossa: che l ladin standard po' vegni' adore' schiche lingaz de referiment, avisa sciche l taian o l todesch.



Re: Statut de autonomia per gherdeina y badiot, promozion dla dejunion ladina (ponc: 1)
da giatfosch ai 09 July 2004 da les 22:45:01
(Infos sun l utilisadour | Ti mané n messaje privat)
pan desdit é bun mangé!

le vedl dit tan atual. Mpröma proibì le ladin standard tl aministraziun, spo scrí jö dal ladin standard, mo con fai. N segn dla prepotenza dla provinzia, n segn ince che l personal vegn chirí fora nia dô cualités, mo do comodité ideologica.



Re: Statut de autonomia per gherdeina y badiot, promozion dla dejunion ladina (ponc: 1)
da Jancarlo ai 12 July 2004 da les 15:14:01
(Infos sun l utilisadour | Ti mané n messaje privat)
Monds fora de uega: agn alalongia se án baudié sun dutes les publicazions poscibles, dl Istitut Ladin, tla Usc di Ladins, che i Ladins ne á nia n lingaz scrit ofizial, sce spo fóssel miec. Sen él dantman, ma chi de dovei fej n vare zeruch. Propi per l statut d'autonomia, cosses souralocales, fóssel ideal. 2 edizions pòn demé definí desche "nia da creie". Con chesta politica impedesc assessorat ladin y Istitut Ladin che an tegne cont tla dreta mesura dl ladin. Ei porta la responsabelté, che ai l sae ...



Re: Statut de autonomia per gherdeina y badiot, promozion dla dejunion ladina (ponc: 1)
da Jancarlo ai 13 July 2004 da les 19:20:17
(Infos sun l utilisadour | Ti mané n messaje privat)
I me á tut la bria de jí a me do na copia, Willeit á rajun, al basta ma dí che tl statut nuef/nü deventa l'at aministratif ----> la ata aministrativa ?!?


News ©
 
  www.noeles.net



Impressum: Plata on-line publicheda da l'Union Scritours Ladins Agacins - Redazion: Bulsan noeles.info@gmail.com


Implatazion: 0.405 seconc