benvegnus Noeles.net - Informazion ladina
Noeles.net
    Vos ne seis nia loghé ite.   [ Loghé ite ]    

Di dla Unité Ladina: ai 18 de messel a Andrac ta Fodom
scrit ai 05 July 2004 da les 07:44:57 da noeles

Cultura

 

Di dla Unité Ladina entourn l Ciastel d'Andrac

En domenia, ai 18 de messel: program folcloristich con desfileda te n cheder storich - Poscibelté de ti dé na ciutieda al Ciastel

En domenia, ai 18 de messel (lui) 2004, recordarà i ladins dla Generela endò la gran enconteda sun Sela dl 1946 y dl 1996. Ai l fajarà entourn l Ciastel de Andrac, n luech simbolich y storich per la populazion ladina. An ne pò che recordé l liam anter chest ciastel carateristich, che se erj soulent sun n peron, con Ciastelbadia (Suneburg), l prinzipat dl Tirol y l prinz-vescul de Persenon, n liam che rondenesc tla liejenda dl Gran Bracun y tles veres per l control dles vals ladines.



Con l spirit de na festa che va a rode tles vals entourn l Sela, à la Generela dezidù che ala ti toca chest ann a Fodom de ospité chest gran aveniment. L president Nani Pellegrini se à bele da n valgugn meisc metú al laour per endrezé via chesta festa, adum a n comité de laour dl'Union di Ladins da Fodom che se à tout soura la enciaria dl'organisazion. L program dl di veid dantfora da les 10.00 dantmesdí na desfileda folcloristica da la mont de Ciastel enfin al Ciastel a chela che al tolarà pert les raprejentanzes de Gherdeina, Badia, Fascia, Ampez, Col y Fodom, con l guant da zacan, l grup di corns da mont de Rina, la Mujiga da Rina y l Cor da Fodom. Da les 10.30, dant l Ciastel gniràl dit na messa alalergia, cianteda dal cor da Fodom. A la fin lerch per i saluc dles autorités. Denant che jí a marena: conzert di grups musicai y dla mujiga y esibizion dl Aiut Alpin da Fodom. Folclor ence domesdí tl tendon, metú en pé te Chi Plans viadelà dal Ciastel. Da les 14.30 inant podaràn ence vijité l Ciastel.

La Festa ruva ta Fodom te n moment significant per i ladins da Souramont che da una na pert à la onour de avei n president dla Generela, da l'autra séntei dassen i tentatifs de omologazion y enlujiment menés inant ti ultims agn da la provinzia de Belun. La festa essa da ester n segnal sterch a les autorités dla provinzia de dì clermenter la vueia de unité di Ladins dl Sela. La manifestazion vegn metuda a jì da l'Union Generela deberieda con i comuns da Fodom y da Col.

Lorenzo Soratroi.


 
Liams emparentés
· Deplú sun l tema Cultura
· Chier te noeles


L articul plu liet te chest tema Cultura:
Sotescrivede l Manifest LADINIA 2005!


Valutazion dl articul
Cumpeida mesana de oujes: 0
Oujes: 0

Preibel toledeves dlaorela de valuté chest articul:

ezelent
dret bon
bon
normal
sclet



Empostazions

 Plata da stampé  Plata da stampé

 Ti ortié chest articul a n/a amich/a  Ti ortié chest articul a n/a amich/a


tema colié / temesc coliés

Politica

Per l contegnú di comentars é l autour dl medem responsabel

Comentars anonims n'é nia ametus, preibel registredeves denant
News ©
 
  www.noeles.net



Impressum: Plata on-line publicheda da l'Union Scritours Ladins Agacins - Redazion: Bulsan noeles.info@gmail.com


Implatazion: 0.362 seconc