Noeles.net amplieia sie rai medial 

Modul nuef: mini-mp3-player - defata ence la poscibelté de vedei valch filmat - empiede i amplificadours!

Sun la manciancia sot l cheder di "ultims messajes" podeise sen vedei n cheder nuef, n mini mp3-player che uega per dé tres files sonours desche cianties o ence intervistes o poesies. L proscim vare sará chel de integré tamben n video-player per podei dé tres valch pice filmat. Entratant n iade vegnirál fat en valgunes proes per testé la funzionalité: 2 mp3 rock-pop de test y en valgunes cianties dl ciantautour furlan/ciargnel Lino Straulino.

L mp3-player é scempl da regolé: empruma cerne la "playlist", spo frenje "play", jí inant con >>, sce i voleis mudé ciantia. L volum ciafieise da regolé saurí clican sun l buton a mandreta. L mp3-player permet de classifiché i files audio te listes clamedes "play-list". Ence chilò frenje sun >> (inant) o << (enzescul) per mudé ju lista. Te chesta pruma proa podeise audí na cercia de cianties dl ciantautour furlan Lino Straulino toutes da si albums. I cialaron de nes mete plu inant en contat con ciantautours ladins, furlans y rumanc, i prian do l'autorisazion de podei dé tres en valgunes de sies composizions sun internet.  Sce i essais valch problem da audí endertura, no zagrede, lascedeves adentene tres e-mail: redazion@noeles.net .

Liam: http://www.linostraulino.com/