benvegnus Noeles.net - Informazion ladina
Noeles.net
    Vos ne seis nia loghé ite.   [ Loghé ite ]    

Costituzion Europeica: mendranzes demé recordedes apresciapuech
scrit ai 25 June 2004 da les 15:21:21 da noeles

Politica

 

Costituzion europeica: cie delujion per les mendranzes!  

I Catalans tla Spagna se damana reconesciment ence a livel european - Una dles prumes plures costituzionales podessa vegní da Barcelona

Degun reconesciment di lingac minoritars tla Costituzion europeica. La prospetiva che i lingac zenza stat ne sie nia vegnus conscidrés endertura tla Cherta Costituzionala á enzafoté su i Catalans tla Spagna. La soula picera mudazion che é vegnuda fata é chesta: la Cherta costituzionala podará ence vegní traslateda te d'autri lingac, sce chisc á n status de ofizialité te pert o te dut l raion di singui stac comunitars. L cef de Govern dla Spagna Zapatero se ova ghiré l'ofizialisazion dl Catalan, dl Basch y dl Gallego a livel europeich desche lingac ofiziai dla Spagna.


Deguna speranza enscí per rejonedes che vegn adoredes da cenc de milesc de persones desche l ozitan, l breton, l furlan, l walisian y e.i. Tl test costituzional végnel rejoné genericamenter de na diversité lenghistica da tegní cont desche richeza, ma nia de cie che i Catalans y l Govern spagnol de Zapatero ova proponú y ghiré, vuel dí l reconesciment tla Costituzion dl Catalan, dl Basch (Euskera) y dl Gallego desche lingac ofiziai dla Spagna y con chest dla Union Europea; perauter desche l engleis y l gaelich tl'Irlanda.  I Catalans, en particolar, se damana ciuldí che i irlandeisc pò ti scrive a les istituzions europeiches te sie lingaz, depierpul che passa 6 milions de rejonadours de catalan, de plu che irlandeisc, ne á nia l medem dert.  N colp dur per les mendranzes europeiches zenza stat en general che ne pò - anter l auter - nience giaude de n program comunitar dediché a d'eles. Ma la Catalugna con sia capitala de livel europeich, Barcelona, podessa deventé tost la tiza che desloj na politica nueva a livel europeich, sburlan do che al vegne definí standards nuefs tl raport Union Europeica - nazions zenza stat. Ala podessa defata spenje do con na plura a livel costituzional. Sun la cherta l teritore linguistich catalan che se desten da la Francia, Spagna, Isoles Baleares enfin a Alguer tla Sardegna.

Articul sourantout da www.lenghe.net .


 
Liams emparentés
· Deplú sun l tema Politica
· Chier te noeles


L articul plu liet te chest tema Politica:
Südtirol: Karte mit historisch gewachsenen Namen


Valutazion dl articul
Cumpeida mesana de oujes: 3
Oujes: 1


Preibel toledeves dlaorela de valuté chest articul:

ezelent
dret bon
bon
normal
sclet



Empostazions

 Plata da stampé  Plata da stampé

 Ti ortié chest articul a n/a amich/a  Ti ortié chest articul a n/a amich/a


Per l contegnú di comentars é l autour dl medem responsabel

Comentars anonims n'é nia ametus, preibel registredeves denant
News ©
 
  www.noeles.net



Impressum: Plata on-line publicheda da l'Union Scritours Ladins Agacins - Redazion: Bulsan noeles.info@gmail.com


Implatazion: 0.369 seconc