benvegnus Noeles.net - Informazion ladina
Noeles.net
    Vos ne seis nia loghé ite.   [ Loghé ite ]    

Trent: esposizion dai 18 de jugn ai 7 de november '04
scrit ai 20 June 2004 da les 18:55:37 da noeles

Storia

 

"Veriers, prinzesc y eroes" 

Na esposizion che conta la storia de nosc raions da les prumes fusties ai temps dles invajions barbariches

Tl Ciastel dl Buonconsiglio a Trent él gnú daurí dantenier la esposizion "Veriers, prinzesc y eroes" che interesseia dessegur ence i Ladins ajache ala conta la storia de nosc raions da vedlamenter encá: da les prumes fusties dla persona dant da 30.000 mile agn enfin a les invajions barbariches. I esponac respiedla l’esibizion dla forza, dl domine y dl luxus de na elite che comanova enlaouta. I esponac archeologics vegn dal ampl raion che se desten anter les gran planures assoulcedes a sud dal flum Po y a nord dal Danube con anterite les Alpes desche liam natural anter l mond europeich dl nord y chel mediteran. I esponac é vegnus coius adum da de plu museums y colezions y  vegn prejentés per l prum iade deberieda alistés a na moda che ai fej revive la storia. Al é da vedei na ampla cerna de ermes rafinedes, de belijies costoules, de oles y de d'autri simbui particolars dla aristocrazia de chi temps. I ne podon nia nes desmentié che gran pert di raions sun la manciancia dl flum Isarch (Lijon - Eores - Funes - Cudon - Ciastel - Souc - Fié - Tiers - Neva Ladina) fova ladins enfin al 13-15eisem secul y aluesc plu die, l Venuost enfin al 18eisem secul.

Raprejentazion de n verier (retich?).



La mostra é daverta vigni dí, sclut fora l lunesc, da les 10.00 a les 18.00 enfin ai 7 de november 2004, na esposizion che al paia la mueia vedei. Ala é partida ite cronologicamenter enscí:


- prums segns de destinzion. Paleolitich, Mesolitich y Neolitich;
- l temp dl ram  y l meteman dl temp dl bron. Tl segn dl manarin y dl pugnal;
- dal temp mesan al temp tardif dl temp dl bron. Tl segn dla sabla;
- l temp dl fer. Eroes y apoteosa;
- l temp celtich;
- l temp roman. Les mersces di emperadours-dies;
- Auta Eté Mesana. L ciel sun la tera.

 

L sit internet dl Ciastel Buonconsiglio a Trent: http://www.buonconsiglio.it/starthtml.asp


 
Liams emparentés
· Deplú sun l tema Storia
· Chier te noeles


L articul plu liet te chest tema Storia:
Relazion dl dr. Mischi Georg en ocajion di 100 Union Ladin


Valutazion dl articul
Cumpeida mesana de oujes: 0
Oujes: 0

Preibel toledeves dlaorela de valuté chest articul:

ezelent
dret bon
bon
normal
sclet



Empostazions

 Plata da stampé  Plata da stampé

 Ti ortié chest articul a n/a amich/a  Ti ortié chest articul a n/a amich/a


Per l contegnú di comentars é l autour dl medem responsabel

Comentars anonims n'é nia ametus, preibel registredeves denant

Re: Trent: esposizion dai 18 de jugn ai 7 de november '04 (ponc: 1)
da Claudio ai 28 June 2004 da les 07:34:17
(Infos sun l utilisadour | Ti mané n messaje privat)
Enier sonsi ju a ti cialé a la mostra, propi da aconsié! Te 16 ciamenes él metú fora trueps esponac de valuta da 35.000 mile agn enfin al Medieve. La mostra conta ence dl'importanza dla cultura etrusca y de chela celtica sun la jent dl raion de chela che an sá dutaorela puech, segur él demé che al fova bendebot de moviment de popui y de jent, davia che i trac culturai se desten soura n gran raion. Chi che i Retics fova ne sán nia avisa .... Enfinamai vajoi grecs, cotant plu elaborés, ruvova desche articui de luxus enfin a tles Alpes.


News ©
 
  www.noeles.net



Impressum: Plata on-line publicheda da l'Union Scritours Ladins Agacins - Redazion: Bulsan noeles.info@gmail.com


Implatazion: 0.433 seconc