benvegnus Noeles.net - Informazion ladina
Noeles.net
    Vos ne seis nia loghé ite.   [ Loghé ite ]    

I Istituc dess dè fora les publicaziuns tl standard ladin
scrit ai 04 January 2003 da les 19:09:32 da noeles

Ladin Standard

 

"Na cossa che ne ti gniss nia pordenada!"

Les prömes porsones da adoré le standard mëss ester les istituziuns portadësses dl SPELL 

de Lois Trebo

Do che  i rumanc dal Grijun é dl 1982 piés ia cun nia de piceres dificoltés cun so lingaz de scritöra - rumanc grijun - lauré fora sön la proposta dal prof. de Turic H.Schmid, é chësc scienzié gnü inciarié dal Istitut Ladin " Micurà de Rü"  da stüdié ince fora por i ladins dles Dolomites na sort de lingaz unifiché. Sön söa proposta aratada dër positiva à la Uniun Generela adöm cun l' Istitut Cultural de Fascia invié ia  le proiet Spell ( Servisc de Planificaziun y Elaboraziun dl Lingaz Ladin ) co à albü cotan de dorìes da nasce.



A chësc s' à spo aciasé l' Istitut Cultural Ladin da San Martin y l' Istitut Pedagogich Ladin.Deboriada él gnü lauré fora la " Gramatica dl Ladin Standard", publicada dal 2001. Por scincunda da Nadé à i ladins ciafé en Santa Lizia le " Dizionar dl Ladin Standard". Chisc laûrs é gnüs fac sot la direziun dal dr. Erwin Valentini adüm a n comité de redaziun y deplü colaboradus. Erwin Valentini de Badia laora bele da 30 agn pro la Comisciun Europea, incö a Luxemburg sön ne ciamp di lingac. Le dizionar dal ladin standard  é acompagné da en sföi de 24 plates, metü adöm da Erwin Valentini. Ara se trata de conscideraziuns generales sön le ladin standard: a ci moda vàl pa debujëgn, ci y co él pa pordërt,dô ci criters de standardisaziun l' àn pa cherié, ci ne n' ô pa le ladin standard nia ester, tan operatif él pa y te ci ciamps podéssel pa gni adoré. La ultima domanda a chëra che Valentini respogn é: co junse pa inant y al fej deplö propostes realistiches! Al dij ince tler, de ci vers che le Spell ne podess nia varié. Chi che li chësc sföi ciafa na informaziun tlera, obietiva de funz sön le lingaz unifiché, gnü cherié aposta por i ladins dles Dolomites.

Na te' koiné interladina po gni adorada dala man publica por leges, decrec, ordinanzes co reverda deplü valades ladines; ince i retlams, i placac, articui sön la sciënza, la scora, l' economia, l' informatica, le turism, la moda podess adoré le ladin standard. Ales cater istituziuns co porta le Spell i spétel da invié ia na gran sensibilisaziun pro la popolaziun che ara vëighi ite le gran ütl, le vadagn y le raforz che le ladin standard i ofrësc al lingaz ladin. Le lingaz é sön tru de gni modernisé, düc i ladins po se reconësce.

Ladin standard, liam de comunanza
" Zenza n lingaz tet foss i Ladins ence la soula mendranza dl' Europa che se definesc sciche grup etnich tres si lingaz - y demé tres chel - y tl medem temp refuda na codificazion / standardisazion che posse prejenté chëst lingaz a duc i liviei de adoranza desche liam de comunanza".    Prof. Otto Gsell, Université Eichstätt

Al va debujëgn da organisé cursc por chi che ô imparé da scri le ladin standard y che l' adorarà. Les prömes porsones da l' adoré é sigü le personal dles cater istituziuns portadures dal Spell; insciö mostreres ince che ares à fat en laûr co n' à nia ma costé tröpes bries y scioldi, mo che é de gran ütl por düc. Ne le fajesseres nia, ésseres bëgn lauré debann y sciuré demez milesc y milesc euro, na cossa che ne ti gniss nia pordenada. Al foss pö na contradiziun a so fin. L' Istitut Ladin "  Micurà de Rü "  dará fora chësta ota na publicaziun por todësch de Eugen Trapp sön " Ert tles vals ladines". Dé fora chësc laûr ince tal ladin standard i dess la poscibilité a dötes cinch les valades ladines da podëi le studié y no ma a chës porsones che sa ince todësch. Al ô ester en contrat nü por ji inant cun le Spell. Düc spera che Erwin Valentini vëgni indô confermé diretur scientifich, deache al é na porsona dër competënta sön chësc ciamp. Chësc à la comunité scientifica aprijé a odëi les döes publicaziuns tal ladin standard. En te' laûr po ma tó tles mans porsones che à fat stüdi de linguistica y à mostré en gran savëi scientifich sön chësc  ciamp. Vigni atra porsona foss por le Spell na brancia dlungiaìa che le portass adincuntra a maius critiches.

Nota: articul te ladin standard

 
Liams emparentés
· Deplú sun l tema Ladin Standard
· Chier te noeles


L articul plu liet te chest tema Ladin Standard:
Dal latin al ladin: storia dla evoluzion dl lingaz ladin


Valutazion dl articul
Cumpeida mesana de oujes: 4.5
Oujes: 4


Preibel toledeves dlaorela de valuté chest articul:

ezelent
dret bon
bon
normal
sclet



Empostazions

 Plata da stampé  Plata da stampé

 Ti ortié chest articul a n/a amich/a  Ti ortié chest articul a n/a amich/a


Per l contegnú di comentars é l autour dl medem responsabel

Comentars anonims n'é nia ametus, preibel registredeves denant

Re: I Istituc dess dè fora les publicaziuns tl standard ladin (ponc: 1)
da EValentini ai 09 January 2003 da les 22:41:21
(Infos sun l utilisadour | Ti mané n messaje privat)
Les paroles de stima y de creta de Lois Trebo me à fat n gran plajei ence ajache ales vegn da n member dl consei dl istitut Micurà de Rü. Dietelpai, Lois.
Paul Videsott à rejon canche al dij che al fossa na strambaria sce SPELL se sfantassa sen che i on les condizions per adoré l ladin standard. Ie son oramai ex-diretour de SPELL y sciche trueps d'autri aspeti ence ie che les istituzions che à sostegnù fina sen SPELL se mete a una sun n program per l 2003 y, plu en general, sun na strategia linguistica coerenta per la Ladinia.
La proposta de Lois Trebo de organisé cursc me de ladin standard per per fondamentala te chesta fasa de transizion y de pesima. Te chest momemet él ma puec che sa da scive l standard y se an ne slergia nia fora chest certl risc'ia l standard de morì fora denant che mete raijes. L personal di istituc ladins, i giornalisc', i ensegnanc de ladin messessa ester i prums a volei emparé y adoré chest lingaz scrit unitar. La redazion de noeles.net à dé de chest vers l bon ejempl y i spere che d'autri ti feje do.


News ©
 
  www.noeles.net



Impressum: Plata on-line publicheda da l'Union Scritours Ladins Agacins - Redazion: Bulsan noeles.info@gmail.com


Implatazion: 0.361 seconc