Tl davegní endò plu lerch per i "LADINS"
Ti comuns ladins pòn intravedei la mancianza dla lista LADINS - L suzes lital pò se ouje
de Carlo Willeit
Sce i partis de govern s'á ciaté na lezion te chest y te chel stat, á les lites europeiches lascé sie segn plu cler ence chilò da nos, pro l partí de maioranza assoluta dla SVP. L 10 % demanco é na bela sondla che ti va ai Kustatscher, Gruber, Klotz. Dolarata truepes oujes tla provinzia de Bulsan á giaté l candidat ladin Detomas ence sce sie Ulivo Unito ne l'á nia prejenté y propagandé a Bulsan, sce i ladins dla SVP á aconsié de nia ti dé la ousc al ladin, ma al todesch de sie partí y ence sce media potenc de Bulsan a lascé al savei che l moviment LADINS sostegn l candidat "trentin" Detomas.
Carlo Willeit dla lista "LADINS": "La perduda dla SVP desmostra che al resta la lerch per l davegní dla lista Ladins".
La zifra totala dles oujes de Detomas é n bel suzes personal y na speranza per les candidatures ladines tl davegní. Ti comuns ladins pòn vedei fora la mancianza dla lista LADINS che á engrandí souraprò Ulivo y Verc, ma la perduda dla SVP desmostra ence che al resta la lerch per l davegní dla lista LADINS.
