benvegnus Noeles.net - Informazion ladina
Noeles.net
    Vos ne seis nia loghé ite.   [ Loghé ite ]    

Comentar: les lites europeiches y i ladins
scrit ai 14 June 2004 da les 21:38:21 da noeles

Politica

 

Les oujes di ladins: politica de renunzia

La stampa ne á nia sapú de valorisé endertura la candidatura de Bepe Detomas  -  La Svp ladina meina inant l ciar dl'assimilisazion

N capitul a pert é la candidatura de Bepe Detomas y l comportament di litadours ladins defront a n candidat de sie lingaz. La SVP „ladina“ à fat cie che deguna autra raprejentanza de na mendranza de chest mond fej (almanco  nia chi che s’impegneia per les rejons dla mendranza y che ne meina nia inant l ciar dl’assimilazion): aconsié de lité n esponent dla maioranza. N servisc a la maioranza empede a la mendranza – n at de sotmiscion, tl segn de na politica dagnora steda de renunzia y dla sotmiscion y dl arvene l’identité ladina te chela todescia con l fin de la desfanté aladò che ala sie demé plu n pue de folclor. Tant inant é la tripartizion bele ti cefs, dantadut te Gherdeina y te Badia, che an ne lita nia n ladin davia che al é de Fascia: na vitoria de Mussolini tl ann 2004.



Debla é ence steda la „Usc di Ladins“, che n’á nia sapú da valorisé l prum candidat ladin - con chances reales - per l Parlament europeich: tant inant ésen tla dependenza dai contribuc che vegn stanziés nia da la man publica, ma dai cefs dla SVP tachés a la tripartizion. A la „Usc“ ti máncel l coraje da se „rebelé“, da destaché les morones y da articulé les rejons di ladins empede ponderé les parores per gauja de contribuc. Ence l litadour ladin é endò sté l plu naîf – autramenter che l litadour dla Val d’Isarch, che s’á rebelé ala prepotenza de n Govern provinzial y de n partì con si assessours che vuel mazé tres projec che i fej tort a la populazion. A porté les conseguenzes pro i ladins propi l candidat ladin: efet dla politica de renunzia. (mt).

Nota: dl 1923 ova i fascisc' tl'Italia de Mussolini despartí la Ladinia te trei pertes, la tripartizion sun les provinzies de Bulsan, de Trent y de Belun.


 
Liams emparentés
· Deplú sun l tema Politica
· Chier te noeles


L articul plu liet te chest tema Politica:
Südtirol: Karte mit historisch gewachsenen Namen


Valutazion dl articul
Cumpeida mesana de oujes: 4.75
Oujes: 8


Preibel toledeves dlaorela de valuté chest articul:

ezelent
dret bon
bon
normal
sclet



Empostazions

 Plata da stampé  Plata da stampé

 Ti ortié chest articul a n/a amich/a  Ti ortié chest articul a n/a amich/a


Per l contegnú di comentars é l autour dl medem responsabel

Comentars anonims n'é nia ametus, preibel registredeves denant

Re: Comentar: les lites europeiches y i ladins (ponc: 1)
da Jepele ai 15 June 2004 da les 08:13:14
(Infos sun l utilisadour | Ti mané n messaje privat)
Dert aste: i ne podon nia nes desmentié che Bepe Detomas candidova sun la lista Uniti nell'Ulivo colieda a la lista dla SVP .... la Svp ladina á samben envié a lité Ebner ....



Re: Comentar: les lites europeiches y i ladins (ponc: 1)
da Dolasila ai 15 June 2004 da les 08:45:55
(Infos sun l utilisadour | Ti mané n messaje privat)
atra domanda: an à odü tla televijiun dassenn Leander Moroder che spetâ ai resultac, dan l computer ...
tan él pa purdert tl Istitut? Al me sà che al é gonot "nia chilò". Purvede mâ ince vos de l chirì tl Istitut a San Martin.



Re: Comentar: les lites europeiches y i ladins (ponc: 1)
da travers ai 15 June 2004 da les 12:17:33
(Infos sun l utilisadour | Ti mané n messaje privat)
"La Usc" mesperdret cianté coche dà dant sie editour, la Union generela di Ladins. Con la vertola che al se trata de na organisazion apolitica scouta duc chiec y lascia fé la SVP. Naiveté, oportunism, simpatia per i "patrons", dut adum? Plu dessegur é "La Usc " n spiedl dl desfatism generalisé di Ladins.



Re: Comentar: les lites europeiches y i ladins (ponc: 1)
da giatfosch ai 15 June 2004 da les 20:54:54
(Infos sun l utilisadour | Ti mané n messaje privat)
incö indô L. Moroder tla tv ... mo can él pa tl Istitut? I vegnel trat jö dal paiament i dis ch'al fala o nia??


News ©
 
  www.noeles.net



Impressum: Plata on-line publicheda da l'Union Scritours Ladins Agacins - Redazion: Bulsan noeles.info@gmail.com


Implatazion: 0.657 seconc