benvegnus Noeles.net - Informazion ladina
Noeles.net
    Vos ne seis nia loghé ite.   [ Loghé ite ]    

La Ila: Seminar dla Fuen - les nazions zenza stat
scrit ai 09 June 2004 da les 20:35:24 da noeles

Cultura

 

Enconteda dles nazions zenza stat

La Ila albergeia dai 17 ai 18 de jugn 2004 la 3. Enconteda Internazionala dles nazions zenza stat y zenza hinterland cultural y linguistich - Tema: proiezion devers foradecá -  Meisa torona: l reclam turistich vegn vegn fat a livel provinzial con "Südtirol" - ne ti végnel pa nia fat n tort ai ladins y ai talians empera?

de Iaco Rigo

N marketing per l ladinI Ladins dolomitans ti dá chesta outa l benodú a la "3. Enconteda dles Nazions zenza stat". Les conferenzes y les discuscions tla Ciasa de Cultura a La Ila en juebia, ai 17 y en venders ai 18 de jugn, rodarŕ encer l tema “La proiezion de n lingaz minoritar fora tl mond”. Al se trata dla terza enconteda dles nazions culturales y linguistiches che n’ŕ viadň sies sciables degun stat de portegnuda linguistica desche somponta y che pň demé se tralascé sun sies forzes. L prum congres fova gnú tegnú dl 2002 tl Schleswig-Holstein pro i frisons y l secont en l ann passé a Starbienino pro la comunité casciuba tla Polonia. Les delegazions gnirŕ ence chesta outa da duta l’Europa adalerch: Ladins-dolomitans, Frisons dl nord (Germania), Frisons di Paisc Basc, Cornvalisians (Gran Bretagna), Galizians (Spagna), Sorbs (Paisc Todesc), Ladins-grijons (Svizera), Ladins-furlans (Italia), Aromuns (Bulgaria), Aromuns (Mazedonia), Ozitans (Italia) y e.i.. Grup ospitant é chesta outa i Ladins dles Dolomites.



L’enconteda vegn endrezeda via da l’Union Generala di Ladins dles Dolomites deberieda a la FUEN (Union Federala dles Nazions Europeiches zenza stat) y la Region Trentin-Südtirol sun n tema concret: "La proiezion de n lingaz minoratar fora tl mond" per mete n iade sun meisa la chestion dla prejenza di lingac dles comunités de mendranza tla vita da vigni dě, dantaldut tl'economia. Truepes mendranzes linguistiches viv aldidancuei te raions con bendebot de turism, ma feter dlonch vegn sie lingaz adoré dolarata puech tl reclam y pro manifestazions che arjonj n certl plu lerch, con does ezezions ti ultims temps y cheles tl caje dl  ladin-rumanc pro i Campionac dl Mond de Schi alpin y tl caje dl lingaz Ozitan pro i Juesc Olimpics da d’invern a Turin.

Na comunité de mendranza pň zenzauter fé bela paruda, respetan sia storia y sia identité
L'enconteda  tla Ciasa de Cultura veid dantfora en juebia, ai 17 de jugn da les 9.30 - do i saluc da pert dles autorités - n referat de Chasper Pult (ex-president dla “Lia Rumantscha” y ex-manager dla “Pro Helvetia”) sun les bones esperienzes che l’Engiadina Auta  ŕ fat, adoran tla dreta mesura ence l lingaz Rumanc dl luech en gaujion di Mondiai de Schi Alpin a San Murezzan/St. Moritz dl 2003. La Svizra s’á mostré capazia desche n raion plurilinguistich. Chest é n ejempl per i Ozitans tl Piemont  per  i Juesc Olimpics da d'Invern 2006 che vegnirá tegnus a Turin y contourns, dandaldut te localités da mont ozitanes. La “Chambra d’Oc” se mesceida bele da n struf per che l ozitan giate la dreta luegia tl reclam y tla prejentazion dla gran manifestazion. “L mond dess savei che te chestes valedes věvel jent che rejona n lingaz dl post, n lingaz che ŕ dutes les rejons de vegně rejoné dlonch y che ne dess nia vegní scuté via y morí fora", arata Ines Cavalcanti, reprejentanta dla “Chambra d’Oc”. Ela contarŕ a La Ila de sie engajament y dles dificoltés che ala á enconté per arjonje chesta prejenza, baudi gonot  demé placativa dl Ozitan a les Olimpiades 2006.
Ala i tocarŕ spo a Gernot Mussner de Gherdeina de conté de sies esperienzes sun l'adoranza de deplú lingac pro les majeres manifestazions sportives desche jornalist sportif y desche moderadour. “Dess pa l publich y la jent dant les televijions savei che te Gherdeina y tla Val Badia végnel rejoné n lingaz particolar che n’é no talian no todesch? Tant podessa pa chesta informazion ester d'utl tl cheder dl reclam per n raion turistich?”  Pro l marketing de n raion turistich audel ence n grum de segns che vegn clamés “logos”. Tant de identité culturala y linguistica déssel pa vegně  trasmetú empera? La merscia "Südtirol"  é sen feter dlonch dantman, ma él pa dret adoré demé chesta definizion per n raion plen de atrazions naturales y culturales desche l Adesc Aut? Chestes sará en valgunes chestions che vegnirá metudes a discuscion.

Do i trei intervenc di reladours enviés peia spo via la meisa torona con Erwin Frenes (journalist dla RAI y raprejentant di media ladins), Michil Costa (president dla ”Maratona dles Dolomites”), Hubert Dalponte (president dl Consorz Turistich Alta Badia y ex-president dl Comité per la Copa dl Mond Alta Badia), Christoph Engl (diretour dla SMG-”Südtiroler Marketing Gesellschaft”), Gerhard Vanzi (diretour dl marketing de “Superski Dolomites”) y Nigel Hicks (promotour cultural dl Cornwall tla Gran Bretagna y vizepresident dla FUEN). Chest dut en juebia, ai 17 de jugn 2004. Do la meisa torona y la discuscion, bufet.

Prejentazion dles cultures
L secont dantmesdě, en venders ai 18 de jugn, ti vegn dediché deplen a les raprejentanzes dles nazions zenza stat d’Europa da ti fé conesce la jent y l raion ladin dles Dolomites. Da les 09.00 rejonará Hilda Pizzinini, presidenta onorara dla Union Generala di Ladins dles Dolomites, sun l svilup dl ladin te scola, tla aministrazion, tla sozieté y tl'economia dal do-vera inant enfin a aldidancuei. Dedň se prejentarŕ dutes les delegazions dles comunités con de curtes relazions, sporjan n cheder de sia situazion. Ence chest dantmesdě é davert a duta la jent interesseda.

En juebia y en venders domesdí gnirá i raprejentanc di grups enviés a ti fé na vijita a en valgunes infrastrutures istituzionales y culturales tla Ladinia desche ence a conesce jent, saours y  paisaje dolomitan. Sun l program él na vijita al Museum Ladin, al Istitut Cultural Ladin a San Martin de Tor,  a la Val di Molins y a les viles da paur ta Lungiarü y dedň na ceina con derzedes de ceifs ladins acompagneda da melodies de ciantautours ladins. L di do na roda entourn l Sela, na vijita tla Cesa di Ladins a Urtijei y na seira de folclor ladin con mujiga y guanc da zacan.

Entratant l seminar gnirŕl pité na traduzion simultana ti lingac todesch, talian y ingleis. Moderadour dl'enconteda é  Diego Clara d’Al Plan de Mareo.

 

Program
Mercui, 16 de jugn 2004
Aruveda di partezipanc
 
Juebia, 17 de jugn 2004
 
da les 7:30 Gostč per i raprejentanc dles mendranzes
 
da les 8:30 Paroles de benodů y daurida ofiziala dl seminar
• dra. Veronika Stirner Brantsch (Presidenta dl Consei Provinzial de Südtirol)
• dr. Florian Mussner (Aconsiadour provinzial de Sudtirol y Assessour regional)
• dr. Ugo Dorigo (Ombolt dl Comun de Badia)
• Nani Pellegrini (President dla Union Generela di Ladins dles Dolomites)
• dra. Martha Stocker (Vizepresidenta dla FUEN)
• dr. Nigel Hicks (Vizepresident dla FUEN y portaousc dles mendranzes zenza
″kin-state / stat-pertegnuda″)
Moderazion: Diego Clara
 
da les 9:30 Meteman dla conferenza
″L rumanc ai Mondiai de Schi Alpinn a S. Murezzan 2003″
Chasper Pult (President da n iade dla ″Lia Rumantscha″ y exmanager dla ″Pro Helvetia″)
 
da les 10:00 ″Occitan lenga olimpica! - N apel internazional per les olimpiades invernales Turin 2006″
Ines Cavalcanti (Raprejentanta Assoziazion ″Chambra d‘Oc″)
 
da les 10:30 ″L multilinguism y l ladin ales manifestazions culturales y sportives tl raion dolomitich″ Gernot Mussner (Jornalist)
 
da les 11:00 Paussa cafč
 
da les 11:20 Meisa torona sun l argoment dl seminar
Partezipanc:
• Erwin Frenes (Jornalist dla RAI y raprejentant di media ladins)
• Michil Costa (President dla roda ziclistica ″Maratona dles Dolomites″)
• Hubert Dalponte (President dl Consorz Turistich Alta Badia y expresident dl Comitę
per la Copa dl Mond Alta Badia)
• dr. Christoph Engl (Diretour dla SMG–″Südtiroler Marketing Gesellschaft″)
• dr. Gerhard Vanzi (Diretour dl marketing de ″Superski Dolomites″)
• dr. Nigel Hicks (Raprejentant dla FUEN y raprejentant de
″Cornish Stannary Parliament″)
 
da les 13:30 Marena
 
da les 15:00 Vijita al ″Museum Ladin″ a San Martin de Tor
 
da les 16:30 Vijita al ″Istitut Cultural Ladin Micurŕ de Rü″ a San Martin de Tor
 
da les 18:00 Spazireda tla ″Val di Morins″ y a les viles a Lungiarü
da les 20:00 Ceina con ciantautours ladins
 
Venders, 18 de jugn 2004
 
da les 7:30 Gostč por i reprejentanc dles mendranzes
 
da les 8:30 Relazion:
″Onomastica – l ladin anter fossils y folclorism″
Hilda Pizzinini (Presidentessa Onorara dla Union Generela di Ladins dles Dolomites)
Moderazion: Diego Clara
 
da les 9:00 Statement di raprejentanc dles mendranzes linguistiches sun l argoment
dl seminar
Partezipanc:
• Furlans (Talia)
• Ozitans (Talia)
• Grijons-Rumanc (Svizra)
• Galizians (Spagna)
• Frisons dl nord (Paisc Todesc)
• Sorbs (Germania)
• Frisons (Paisc Basc)
• Aromuns (Bulgaria)
• Cornvalisians (Gran Bretania)
• Aromuns (Mazedonia)
danter i intervegns:
 
da les 11:00 Paussa café
 
da les 13:00 Marena
 
da les 14:30 Roda dles Dolomites
 
da les 17:00 Vijita ala ″Cësa di Ladins″ y a la redazion prinzipala dl edemanal ladin ″La Usc di Ladins″ a Urtijei/Gherdeina
 
da les 20:00 Ceina ladina / cornisc folcloristica

Sabeda, 18 de jugn 2004
Gosté y pieda via di partezipanc
Les manifestazions sun l program domesdí y da seira é pensedes dantadut per les delegazions dles mendranzes.

 
Liams emparentés
· Deplú sun l tema Cultura
· Chier te noeles


L articul plu liet te chest tema Cultura:
Sotescrivede l Manifest LADINIA 2005!


Valutazion dl articul
Cumpeida mesana de oujes: 0
Oujes: 0

Preibel toledeves dlaorela de valuté chest articul:

ezelent
dret bon
bon
normal
sclet



Empostazions

 Plata da stampé  Plata da stampé

 Ti ortié chest articul a n/a amich/a  Ti ortié chest articul a n/a amich/a


tema colié / temesc coliés

Manifestazions

Per l contegnú di comentars é l autour dl medem responsabel

Comentars anonims n'é nia ametus, preibel registredeves denant

Re: Seminar per les mendranzes culturales y linguistiches (ponc: 1)
da Dolasila ai 10 June 2004 da les 00:46:27
(Infos sun l utilisadour | Ti mané n messaje privat)
sambegn ch'al i vegn fat tort ai ladins!
l ladin n'esist nia plü tl imaja publica de Südtirol.



Re: La Ila: Seminar dla Fuen - les nazions zenza stat (ponc: 1)
da travers ai 10 June 2004 da les 22:40:21
(Infos sun l utilisadour | Ti mané n messaje privat)
L seminar a la Ila sarŕ n'autra bela ocajon de aud`ciacoles y giaaculatories sun les mendranzes. I repejentanc dla FUEN, dla UGL, dla SVP etc. fajarŕ a gara per bravé tant mal che i ston y duc sarŕ dapň contenc de se consolé pro n gote de vin. L teater é na cossa sceria, di problem dles mendranzes se nen frega duc, dantaldut les mendranzes enstesses. I ladins l desmostra vigni di.



Re: La Ila: Seminar dla Fuen - les nazions zenza stat (ponc: 1)
da Jepele ai 11 June 2004 da les 14:20:20
(Infos sun l utilisadour | Ti mané n messaje privat)
Te as begn rajun en pert travers ..... tolun ince ca l'Intendent ladin che á scrit n gran articul sön le cajo dles studentes da Urtijei che gnô a scola vistides n pü lisieres y con l venter bluder, che vegn definí dut se la baudian "Infotainment" ..... mesa na plata tla Usc di Ladins scrita dal Intendent por chesta bisinela ... mo dal'atra pert chît assolut sön le ladin te scola ... plü saurí rajoné de inglesc te scola ...



Re: La Ila: Seminar dla Fuen - les nazions zenza stat (ponc: 1)
da fueia ai 16 June 2004 da les 18:33:21
(Infos sun l utilisadour | Ti mané n messaje privat)
I ne sé nia sce al fossa plu saurě sce i ladins fossa duc tl Trentin o duc tl Sudtirol... dň 80 agn de separazion ne éi nia plu bogn de se vedei sciche l medem popul...


News ©
 
  www.noeles.net



Impressum: Plata on-line publicheda da l'Union Scritours Ladins Agacins - Redazion: Bulsan noeles.info@gmail.com


Implatazion: 0.423 seconc