benvegnus Noeles.net - Informazion ladina
Noeles.net
    Vos ne seis nia loghé ite.   [ Loghé ite ]    

Noeles.net y internet
scrit ai 22 May 2004 da les 22:51:42 da noeles

Cultura

 

Noeles.net se profileia desche majera fontana de informazion sun i Ladins te Internet

I motors archiridours cribla vigni dí l sit y ajorneia nosta prejenza te internet - vijites n puech da dut l mond - la teila de liams se deslergia ence devers i Grijons y l Friul

L sit Noeles.net se svilupeia bel state desche majer fistidrel de informazions soura i ladins te Internet con milesc de liams d'azes encantourn   . Chest nes confermeia l mairent motor archiridour "Google".


Belunfat cie parola o cie paroles clef che an dà ite tla combinazion ladin+autra parola (dant o do) per tarmené l'archirida te "Google": Ladin Gherdeina, Lingaz Ladin, Ladin Dolomites, Ladin vocabolar, Istitut Ladin, Ladin Standard, Politica ladina, Union Generela di Ladins, Svp ladina, Lista Ladins, ti prums posc' o al plu dalonc sun la seconda plata comparéscel nost sit. Chest vel en general per l'archirida con ciavazins tipics ladins, dijon p.ej. "Ciastel de Tor", "Jevun", "Fodom", "Ampez", samben miec dagnora scrive tla varianta standard. Tamben pòn dì chest per archirì personalités tl ciamp ladin, zacan y encuei, tolon p.ej. Hilda Pizzinini, Nanni Pellegrini, Iaco Ploner y e.i. Per strenje ite l'archirida pòl oghé datrai mete permez dampertfora o dovia l agetif "ladin" o "ladins". Con sie database de passa 650 articui, na arcoiuda de 84 liams, plu zacotant de sezions che vegn tres endò tamejedes dai motors archiridours, se afermeia Noeles.net desche majer sit de atualité y de informazion ladina te internet. En curt, sce denant, dan ite na parola ladina ne comparìvel nia, resulteiel sen feter dlonch zeche.

La teila se deslergia plan plan devers l Friul y l Grijon. Enscí pol suzede che sce un chier "On-line Wörterbuch Sursilvan", desche al é suzedù, che al ruva ence pro n liam a www.noeles.net  o sce zacai dà ite "Patrie dal Friul", giátel anter i liams ence l nost.  Provede enstesc per vedei!    Chest fat auza samben l valour comerzial y les poscibeltés de fé reclam tres l sit. La mesaria di vijitadours se la roda atualmenter sun apresciapuech 100 al dì y canche al uega végnel mané fora entourn 1000 newsletters, na difujion che l sit se tol dant de deslargé chesta outa per ruvé a 5-6 mile abonés, perchel racomanede inant l sit y aconsiede de aposté la newsletter! Samben ne él nia demé la prejenza che fej fora l utl, ma dantaldut l contegnù.

 

Tameisc = cribl fin

tamejé = criblé fin

  

 
Liams emparentés
· Deplú sun l tema Cultura
· Chier te noeles


L articul plu liet te chest tema Cultura:
Sotescrivede l Manifest LADINIA 2005!


Valutazion dl articul
Cumpeida mesana de oujes: 5
Oujes: 1


Preibel toledeves dlaorela de valuté chest articul:

ezelent
dret bon
bon
normal
sclet



Empostazions

 Plata da stampé  Plata da stampé

 Ti ortié chest articul a n/a amich/a  Ti ortié chest articul a n/a amich/a


Per l contegnú di comentars é l autour dl medem responsabel

Comentars anonims n'é nia ametus, preibel registredeves denant

Re: Noeles.net y internet (ponc: 1)
da giatfosch ai 23 May 2004 da les 19:42:00
(Infos sun l utilisadour | Ti mané n messaje privat)
mo ajache noeles n'é nia alineé, i é gnü tut i contribuc, n püch à la Einheitspartei: la verité che i media á da cunté é la propangada partitica.

scioldi á zenza la provinzia assà: a stopé büsch (veiga scora Max Valier), a daidé finanzié bocaries dai iagri, a strapaié chedri de n amich dl president (FF scripsit), da paié uniuns che fej laûr partitich pur la SVP = HGV, LHV, SBB etc. etc





News ©
 
  www.noeles.net



Impressum: Plata on-line publicheda da l'Union Scritours Ladins Agacins - Redazion: Bulsan noeles.info@gmail.com


Implatazion: 0.387 seconc