Empruma vuelen damané i ombolc
La provinzia de Bulsan vuel envié da d'auton duc i ombolc dles valedes ladines a na "conferenza"
L president nuef dla Union Generela di Ladins dla Dolomites, Nani Pellegrini à enconté enier l president dla Provinzia Luis Durnwalder deberieda con l assessour ladin Florian Mussner y Heinrich Huber. "Al é gnù rejoné te n clima saren sun l sostegn a la cultura ladina y ai media ladins", dij l comunicat ofizial dla provinzia. L’idea de ti dé a la Union Generela la competenza de na istituzion con doviers aministratifs ne é endere nia vegnuda azeteda dal president Durnwalder y dal assessour Mussner.
L president Pellegrini adum a Egon Vinatzer y Tone Pollam à sotrissé l'emportanza particolara de na colaborazion soura i confins de provinzia y de region. Durnwalder y Mussner á arcumpedé dant che la provinzia de Bulsan sostegn les ativités culturales dla Union Generela y de sies union afiliedes de Gherdeina y dla Val Badia con n import de 122.0000 €. D'enjonta ti él vegnú auzé a la Usc di Ladins l contribut a 52.000 €. Florian Mussner à asseguré da pert dla Provinzia n sostegn per l derturament dla Cesa di Ladins a Urtijei. Tres la Region ésen ence tl laour de abiné l troi per n majer sostegn a les trasmiscions ladines tl radio y tla televijion. N'autra tratanda al orden dl dí é steda la domanda dla Generela che ala vegne reconesciuda desche organism de coordinament y de proposta a livel interladin aladò dla lege sun les mendranzes nr. 482/1999, ma tamben l president Durnwalder che ence l assessour Mussner ne veid na tel reconesciment politich nia de bon uedl. La raprejentanza politica di ladins dess resté tles mans dles Provinzies y di comuns interessés, enscì unisono Durnwalder y Mussner che à encundé che duc i 18 ombolc dles 5 valedes ladines entourn l Sela se encontarà da d’auton propi sun envit dla Provinzia de Bulsan con la finamira de mete en pé na "conferenza di ombolc" desche istituzion permanenta. An volessa audì la minonga di ombolc enstesc. I raprejentanc dla Provinzia y dla Union Generela é stés a una sun l debujegn de na mioura colaborazion canche ala se trata de chestions da sclarì tl ciamp cultural. La Generela é n partner te chestions culturales à dit Durnwalder. Da pert di raprejentanc dla Union Generela él vegnú laudé la bona colaborazion con les istituzions dla Provinzia de Bulsan.
N comentar sun la "Conferenza di Ombolc": La proposta de n "Consei di 18 ombolc" da soul nia adateda - L faliment dl 1992 l desmostra - Al vuel ester na balanza anter unions y istituzions - Clichede sun l liam dessot!
http://www.noeles.net/modules.php?name=News&file=article&sid=255
N organism interregional: manco ombolc y plu esperc y dialetica: Pepi Dejaco: "Enscí no! Demé se abiné n iade al ann y ruvé via dut cant con na bona ceina o marena, chesta é demé na comedia, n cosmetich" - Clichede sun l liam dessot!
http://www.noeles.net/modules.php?name=News&file=article&sid=251
