Les graduatories per enciaries de ensegnament 2004/2005
Les graduatories provisories vegnirà publichedes ai 15 de messel 2004
Interessés che vuel vegnì inseris tles graduatories dla scola ladina mess emprumadedut avei i recuisic per l scialin de scola sun chel che ai vuel ensegné. Ensegnanc che é bele tles graduatories definitives pò dé dant tla domanda te cie direzion (luech de scola) che ai jissa plu gen a d'ensegné. Aladò di ponc che ai arjonj tles graduatories definitives passarài spo tles graduatories dla singula direzion en basa a chela che al vegnirá dé via les enciaries. D'autri ensegnanc che à fat l ejam per ensegné o che á l stude aladò pò damané do na stiera de suplenza. Personal dla Intendenza Ladina.
Te chest caje ciáfien da dé dant enfin a diesc direzions (luesc) te cheles che an ensegnassa gen. Les domandes mess vegni dedes ju pro chela direzion oláche an laora al moment. Per maestri che ne laora nia o che laora fora dl Adesc Aut, él unfat te ciuna scola dla provinzia che ai dá ju la domanda. Tles direzions él ence da giaté i formulars de uega. D'enjonta él meso da se lascé mete tl medem temp ence tles graduatories dla todescia y taliana. I contrac a temp mess vegnì sciacarés con les singules direzions. Na ezezion végnel fat per ensegnanc dl’elementara che à ruvé i studes a l’université de Bulsan ai prums de messel 2004. Chisc ciafia da dé ju la domanda enfin ai 7 de messel 2004. Les graduatories de scola provisories vegnirà dutes publichedes deberieda. Les graduatories definitives per l ann 2004/05 vegnirà spo publichedes ai 15 de messel 2004. Do l temp per reclamazions vegnirà les graduatories publichedes ciamò n iade y definitivamenter ai 30 de messel 2004.
Informazions plu avisa sun l sistem dles graduatories de scola giàten pro Carla Pedevilla al numer de telefon 0471-41 70 15. Per les scoles mesanes y autes él Paolo Tasser la persona de referiment, sie numer é de telefon l 0471-41 70 18. (osp/ls-if)
