benvegnus Noeles.net - Informazion ladina
Noeles.net
    Vos ne seis nia loghé ite.   [ Loghé ite ]    

La lege 482/99 y i ladins tla provinzia de Bulsan
scrit ai 17 May 2004 da les 20:20:09 da noeles

Politica

 

La Generela se enconta con Durnwalder

La provinzia de Trent desponuda a reconesce la Generela desche organ interladin de coordinament y de proposta, la provinzia de Bulsan pa?

Endoman (18.05.2004) se encontarà a Bulsan l president dla Generela inj. Nani Pellegrini y si colaboradours con l president dla Jonta provinziala dr. Luis Durnwalder. Al tolarà pert a la senteda ence l assessour Florian Mussner. Argoment fondamental: conesce l pensier de Durnwalder y de Mussner sun cie che reverda l reconesciment dla Generela desche organism de coordinament interladin y de proposta. Dant da diesc dis s'ova enconté la medema delegazion dla Generela con la jonta de Trent, con Lorenzo Dellai, con l aconsiadour regional Luigi Chiocchetti y d'autri esponenc politics. Trent á bele dé pro al reconesciment dla Generela y perchel é l dialogh sté dassen costrutif. A Bulsan sará l clima dessegur autramenter, bonamenter plu freit.



An proa de rejoné per se conesce y audì les propostes y les minonghes dl'autra pert. A Bulsan tofa dut cie che é privat de oposizion y dut mess vegní fat tres i "fedeliscims" ombolc. Durnwalder enstes ova fat la proposta de mete su n comité de ombolc desche coordinament interladin. I ombolc sa dut tl ciamp aministratif y cultural y perchel ne n'án nia bria de chirí esperc. La Svp ne sará mai datant de fé n laour de coliament anter les valedes ladines desche ala é steda bona la Generela. Trent à vedù ite chesta bravura dla Generela, ma Bulsan ciamò nia. A Bulsan ciàlen dutaorela ciamò ai biei y ai burc, al colour politich dles persones y dut mess vegnì tamejé tres la rei dl partì. Al à rejon Nani Pellegrini de dí che an mess prové de se rejoné y de lascé temp a les idees de madorì. Degugn ne sa tandie che ala durarà denant che al sozede ceze, ma empò déssen jí inant con l dialogh. L talian dij: "Chi la dura, la vince".

N auter argoment dla discuscion sarà la chestion dla lege 482/99 con sies poscibeltés de finanziament. I furlans fej n grumon de iniziatives tres i finanziamenc statai che vegn da chesta lege: la toponomastica, cursc de furlan per i ensegnanc y empliés publics, publicazions, enrescides, paiament ai ensegnanc de furlan te scola, cursc a chi che ciala soura i amalés, ai infermiers, ai medesc y e.i. Dant da puech él vegnù enaudé l Istitut Cultural de Borcia per i neo-ladins, finanzié da la lege 482/99. Ence l Istitut Cultural de Col á ciaté sostegns finanziars. La lege finanzieia projec manés ite da les provinzies. L articul 14 dla lege dij: "Nell'ambito delle proprie disponibilità di bilancio le regioni e le province in cui siano presenti i gruppi linguistici di cui all'articolo 2 nonché i comuni ricompresi nelle suddette province possono determinare, in base a criteri oggettivi, provvidenze per l'editoria, per gli organi di stampa e per le emittenti radiotelevisive a carattere privato che utilizzino una delle lingue ammesse a tutela, nonché per le associazioni riconosciute e radicate nel territorio che abbiano come finalità la salvaguardia delle minoranze linguistiche". L articul 15 enjonta: "le spese sostenute dagli enti locali per l'assolvimento degli obblighi derivanti dalla presente legge sono poste a carico del bilancio statale entro il limite massimo complessivo annuo di lire 8.700.000.000 a decorrere dal 1999". Sce furlans, neo-ladins beluneisc y chi da souramont pò anuzé la lege 482 y ciata contribuc per sies scomenciadives culturales y linguistiches, ne pò i ladins de Bulsan y de Trent nia avei chesta poscibelté. An mess naouta vedei sce i contribuc prevedus da la lege 482/99 é plu d'avantaje de chi che vegn dés da les does provinzies, ma te vigni caje mess la norma dla lege nueva vegnì tramudeda te na norma de atuazion al statut de autonomia. Che an feje na tel norma de atuazion demé per i ladins sarál daspavent rie. L piec él che la storia dla norma de atuazion al statut de autonomia ne permet nia de damané al stat tres la lege 482/99 n contribut a livel interladin per la realisazion de n projet interregional. La mendranza ladina é destineda a resté spediceda per garantì l privilegh de talians y todesc dl Trentin-Südtirol. Audion l articul 18: "1. Nelle regioni a statuto speciale l'applicazione delle disposizioni piú favorevoli previste dalla presente legge é disciplinata con norme di attuazione dei rispettivi statuti. Restano ferme le norme di tutela esistenti nelle medesime regioni a statuto speciale e nelle province autonome di Trento e di Bolzano.
2. Fino all'entrata in vigore delle norme di attuazione di cui al comma 1, nelle regioni a statuto speciale il cui ordinamento non preveda norme di tutela si applicano le disposizioni di cui alla presente legge".


 
Liams emparentés
· Deplú sun l tema Politica
· Chier te noeles


L articul plu liet te chest tema Politica:
Südtirol: Karte mit historisch gewachsenen Namen


Valutazion dl articul
Cumpeida mesana de oujes: 0
Oujes: 0

Preibel toledeves dlaorela de valuté chest articul:

ezelent
dret bon
bon
normal
sclet



Empostazions

 Plata da stampé  Plata da stampé

 Ti ortié chest articul a n/a amich/a  Ti ortié chest articul a n/a amich/a


Per l contegnú di comentars é l autour dl medem responsabel

Comentars anonims n'é nia ametus, preibel registredeves denant
News ©
 
  www.noeles.net



Impressum: Plata on-line publicheda da l'Union Scritours Ladins Agacins - Redazion: Bulsan noeles.info@gmail.com


Implatazion: 0.480 seconc