benvegnus Noeles.net - Informazion ladina
Noeles.net
    Vos ne seis nia loghé ite.   [ Loghé ite ]    

Lites comunales tla provinzia de Belun
scrit ai 17 May 2004 da les 12:58:49 da noeles

Politica

 

Ladins empontedeves!

An mess assulcé adertora la cadria per fé na politica endertura

de Lois trebo

Desche an à podù lieje y audì fora dai foliec saràl ai prums de jugn per i ladins da Souramont les lites de comun, na cossa de na gran emportanza per na mendranza al pericul da gnì ciuceda su da si vejins talians. Rodunt i conseis de comun, adum con l ombolt, à na gran parola da dì nia demé dl bilanz dl comun y di laours publics che mess gnì fac, ma l comun dejouj ence la politica per la popolazion ladina. Duc sa te cie situazion che i ladins da Souramont é: la viesta ladina smaresc tres deplù y paroles talianes trafon dlonch tl lingaz ladin. A chesta fosa manacia la identité ladina da vegnì plu debla y sotila, spo vegnìssel pu a mancé cheles forzes che na popolazion adora da se emponté contra les aces da foradecà. Tal foliet ladin da en sabeda éi liet che al sarà te Fodom demé na lista soula per les lites de comun y che na pert à bele sciolé les claucheres desche da dì - la politica de comun me sgricia, ala ne me interesseia nia, fajede cie che i voleis! Chest volessa dì, lascé piché les ales y lascé i autri fé cie che ai vuel. Tant de listes che Fodom met su, chel é sie cont, ma a nos autri ladins ne pòl nia nes n'ester unfat, de cie vers che l comun Fodom , Col y Ampez oujarà la politica.



Ladins da Souramont, dedeves da fé, abinede adum i miours cefs ladins che sa olà che ai auda, cie che ai à da fé per defene i ladins da Souramont da vigni enforestida. Al é trueps che ciala soura Ciaulonch y Fauzares ite, ence truepes persones da foradecà, de dut Tirol, ajache a trueps ence nia ladins i sta la situazion politica da Fodom dret a cuer. La direzion dal ciar mess i ladins da Souramont fé fora anter ei. Ma degugn ne pò sté sun na pert y cialé pro che la situazion politica se piore. Duc chi ladins che veid ite l debujegn da i dé na man a sia jent ladina per mioré tres deplù la situazion politica - culturala, dess sté su sun na lista y fé dles dutes per gnì lités te consei de comun. Al sta truep a chi che vegnirà metù ombolt, ajache al vegn cherdé gonot a raprejenté sie comun te n grum de grems politics a Belun y a Aunejia.

Ladins da Souramont  vost destin é lié ai ladins soura Ciaulonch  y Fauzares/Valparola ca, i seis stés secui pro Tirol y chest  fat storich ne pò nia gnì dejout. Per vosta salveza mess vignun de vos fé cie che al se embasta l am. Rodunt la politica é determinanta per l destin de na popolazion. Cis sce na popolazion é al pericul da jì perduda, de gnì mescededa ite pro n'autra popolazion, mess vigni coscienza se sentì scasseda y oblieda da dé ca l sie per stravardé la popolazion da n destin de desdruta dla mendranza. No ves lascede sciampé la ocajion da sté sun lista, ajache do les lites él pa rie consei; baudié y brontolé dedò ne comeda pa nia plu nia! Adertora méssel gnì assulcé y tegnì la cadria per fé na politica endertura che salva la popolazion y che la aviseia sun la dreta streda per se renforzé sun l ciamp economich - cultural che la jent posse sté te sia tera a laoré, ence sun l ciamp cultural de scola, che ala garete plu gaierda te sia identité, te sia sostanza, che ala arjonje na bona adoranza dal lingaz dla oma te scola, te familia, te gliejia, tles aministrazions. La lege 482/99 ti deura la porta a na tel politica culturala; ala sta a vos ladins, sce i voleis souravive da ladins! Ence la Union di Ladins é cherdeda a sensibilisé sia jent per se dé ca per jì tla politica, ajache demé ilò vàla da arjonje chi derc che la popolazion ladina adora per sie ester y resté ladina. Medret no ves descorajede, sentedeves adum y stede sun lista per l ben de vosta jent ladina! (ls: if)


 
Liams emparentés
· Deplú sun l tema Politica
· Chier te noeles


L articul plu liet te chest tema Politica:
Südtirol: Karte mit historisch gewachsenen Namen


Valutazion dl articul
Cumpeida mesana de oujes: 5
Oujes: 2


Preibel toledeves dlaorela de valuté chest articul:

ezelent
dret bon
bon
normal
sclet



Empostazions

 Plata da stampé  Plata da stampé

 Ti ortié chest articul a n/a amich/a  Ti ortié chest articul a n/a amich/a


tema colié / temesc coliés

Aministrazion

Per l contegnú di comentars é l autour dl medem responsabel

Comentars anonims n'é nia ametus, preibel registredeves denant

De beles paroles (ponc: 1)
da Janpire ai 17 May 2004 da les 15:23:12
(Infos sun l utilisadour | Ti mané n messaje privat)
Dessegur de beles paroles cheles de Lois Trebo. I ne sotescrivesse endere nia l referiment a Tirol. Tl vedl Tirol ne fova i ladins mai vegnus reconescius desche grup etnich o comunité, cotant piec ciamò pro les cumpeides i aratóven talians per ne insciautrí nia i trentins. Tirol ne pò perchel dessegur nia ester n referiment. I prevesc enlaouta, recordon demé Jan Matie Declara o ence Micurá de Rü, se ova paré contra la todeschisazion, scrit y documenté ....



Re: Lites comunales tla provinzia de Belun (ponc: 1)
da Janpire ai 22 May 2004 da les 10:44:53
(Infos sun l utilisadour | Ti mané n messaje privat)
Le ladin smaresc begn ince chilò, no ma sura i jus ia ...


News ©
 
  www.noeles.net



Impressum: Plata on-line publicheda da l'Union Scritours Ladins Agacins - Redazion: Bulsan noeles.info@gmail.com


Implatazion: 0.389 seconc