"Les tradizions desche arpejon culturala viva" ("intangible cultural heritage"). Chesta é la devisa proclameda dal Consei Internazional di Museums en gaujion dla giorneda internazionala di museums ai 16 de mei 2004. Tla maioura pert di museums roda dut entourn a reperts archeologics, patuc o colezions che vegn studiés, enrescis, emprestés, esponus, fotografés, dessegnés y cataloghisés. L museum vegn enscí gonot vedú desche sinonim de valch che se conzentreia sun l esponat: na bela statua, n cheder, n repert archeologich o n coret, ma nia dlonch n'éla enscì y chest vuel l Dí Internazional fé conesce. Di dla Porta Daverta, en domenia ai 16 de mei ence tl Museum Ladin a San Martin de Tor, na bona ocajion per ti fé na vijita.

Manco lerch giata ti museums les tradizions culturales che an ne ciafia nia da apié o da aziché, mo che raprejenteia na arpejon viva y che é la richeza fondamentala de vigni popul, laprò aud ence l lingaz, les cianties, les poesies, i juesc, la musiga, i bai, les usanzes y les festes. La majera pert di museums endrezará valch scomenciadives, enscí ence l Museum Ladin tl Ciastel de Tor a San Martin che an podará vijité debant en chest dí.

Liam internet al museum per deplù detais: http://www.museumladin.it