benvegnus Noeles.net - Informazion ladina
Noeles.net
    Vos ne seis nia loghé ite.   [ Loghé ite ]    

Lites europeanes di 12 - 13 de jugn 2004
scrit ai 08 May 2004 da les 11:57:34 da noeles

Politica

 

Ladins tegnide adum, la forza vegn dal grum!

Per la pruma outa n candidat ladin con poscibeltés concretes - Apel dla Union Autonomista Ladina a duc i Ladins da les Dolomites al Friul de sostegní l candidat ladin Bepe Detomas en gaujion dles proscimes lites europeanes

L’Union Autonomista Ladina à tout su con gran plajei la conferma che l deputat ladin Bepe Detomas sarà candidat a les litazions europeanes di 12 e 13 de jugn sun la Lista per Prodi "UNITI NELL'ULIVO". La volonté sterscia dla Margherita dl Trentin de porté dant n raprejentant ladin, y plu avisa l secreter politich dl moviment, é segn de prestije y rejon de orgoi per l’Union Autonomista Ladina, per la Val de Fascia, per duc i ladins. Bepe Detomas pò ester nost raprejentant, sce duc i Ladins tegn adum.



Do se avei davagné la creta a livel provinzial y avei porté sie raprejentanc a Roma, à sen i ladins l'ocajion de desmostré ciamò na outa che tegnan adum pòi ruvé a arjonje i obietifs plu alauta: per l prum iade à n ladin na poscibelté concreta de vegnì lité tl Parlament European. Y per la pruma outa pòl se tralascé sun l sostegn de duc i Ladins: chi de Fascia, de Gherdeina, dla Val Badia, de Fodom y de Ampez, y ence chi dl Friul.

Per chest apeleia l’Union Autonomista Ladina a duc i ladins dles Dolomites y ence a chi dl Friul de tegnì adum, per arjonje l gran obietif de mané a Strassbourg n raprejentant che podarà porté tl Parlament European la sensibelté y la ousc dla mendranza ladina y de dutes les autres mendranzes.

Ladins, tegnon adum che la forza vegn dal grum!

UAL - Union Autonomista Ladina


 
Liams emparentés
· Deplú sun l tema Politica
· Chier te noeles


L articul plu liet te chest tema Politica:
Südtirol: Karte mit historisch gewachsenen Namen


Valutazion dl articul
Cumpeida mesana de oujes: 5
Oujes: 3


Preibel toledeves dlaorela de valuté chest articul:

ezelent
dret bon
bon
normal
sclet



Empostazions

 Plata da stampé  Plata da stampé

 Ti ortié chest articul a n/a amich/a  Ti ortié chest articul a n/a amich/a


Per l contegnú di comentars é l autour dl medem responsabel

Comentars anonims n'é nia ametus, preibel registredeves denant
News ©
 
  www.noeles.net



Impressum: Plata on-line publicheda da l'Union Scritours Ladins Agacins - Redazion: Bulsan noeles.info@gmail.com


Implatazion: 0.369 seconc