Il glemuç de nestre vite  

La presince furlane in province di Bolzan: racuei i ricuarts e lis testemoneancis

La mostre "Culturali" inmaneade anpassât alì dal Centri Trevi e à sburtât il president dal Fogolâr, Lirussi, e i membris dal Diret|îf a proponi a duç i furlans residents in provincie, socis o mancul dal Fogolâr, di ripensâ e racuei la lôr "piçule storie", i ricuarts, lis testemoneancis, lis fotografìis plui significativis che a puedin interessâ la presince furlane in provincie di Bolzan.

Il fin de scomençadive al è chel di meti adum int’un librut chest materiâl parcé che no vadi piardût chel fîl che nus lee la divignince ae "piçule patrie" e ch’al è lât indenant par gjenerazions culì, int’une tiare che nus à fat sinpri bon acét a partî da la fin dal votcent cuanche, bielzà in che volte, i nestris vons furnîts di passepuart a vignivin a lavorâ chenti.

O sin, doncje, duç invidâts a sgjavâ cun entusiasim e impén tai nestris ricuarts, no impuarte la forme scrite, baste la sostance e la voe di cirî lis lidrîs. Dut al è impuartant ce ch’ al fâs part dal "glemuç de nestre vite" (lomescel de nosta vita) parcé che un doman a pués jessi une risorse preseôse pal archîv de nestre piçule storie.

Il material ch’al vignarâ ricuelt, tal arc di cualchi mês di timp (e ancje oltri s’al covente), daspò di vêlu consultât e ricopiât, al vignarâ dât indaûr.

Par savê alc di plui e par vê dutis lis informazions al rivuart, a son a dispusizion il president dal Fogolâr Lirussi, (tel. 0471/35049) e i conseîrs Enzo Buttus (0471/251691), Elio Pevere (0471/9305929 e Italo Trevisan (0471/203227)

(b.m.)