benvegnus Noeles.net - Informazion ladina
Noeles.net
    Vos ne seis nia loghé ite.   [ Loghé ite ]    

Lites europeanes 2004
scrit ai 06 May 2004 da les 12:21:06 da noeles

Politica

 

Liton deberieda Detomas desche raprejentant ladin!

Duta la comunité ladina: da les Dolomites al Friul, donde mo n ejempl de colaborazion!

Anter les ultimes gran novités ruvedes adalerch él souradut chela che ence Bepe Detomas, parlamentar fascian, é gnù cherdé a sté sun lista dla "Margherita"' pro les lites europeanes; ai ladins se pietel sen l'ocajion de podei avei n parlamentar europeich, sce ai se embastarà l'am de se organisé endertura y de fé n bon iade naouta si interesc. La "Margherita" fej pert dl "Ulivo” tamben coche la Svp. Na ocajion per se bate n bon iade duc canc adum, de fé n iade na politica per duta la mendranza ladina. Duta la comunité interladina, duc i ladins dles Dolomites y dl Friul pò desmostré de colaboré, d'avei n fin soul: garantì l suzes lital europeich a n candidat ladin: Bepe Detomas. Les poscibeltés é concretes - sce i savon da tegnì adum y da cialé soura les singules valedes, les singules provinzies y regions fora.



An podarà lité per Bepe Detomas te chestes regions: Trentin-Südtirol, Venet, Friul y Emillia-Romagna. An dess souradut se organisé y mené do dassen chisc dis, denant che al peie endò via la regola dla " par condicio" che proibesc de rejoné de n candidat zenza de ne toché nia ence i autri. Sun chesta plata n'él nia meso de tegnì ite chesta regola propi per via dla puecia lerch. Vigni iade végnel controlé sce an rejona demé de n candidat soul. Ala se trata perchel de coordiné les informazions, ma souraldut de sburlé pro les unions culturales a dé na man a promueve na propaganda interpersonala te chest vers. Chest iade ne conta nia l talian o l todesch, al conta l raprejentant europeich.  I partis Svp y Margherita é tramidoi tla lista plu lergia dl Ulivo, tramidoi é partis popolars. Saurì capì che la Svp todescia de Südtirol litarà per la majera pert Michael Ebner, che coiarà dessegur adum plu de 50.000 oujes che ti garantesc l scagn. Per Bepe Detomas é la cossa plu ria: dessegur jìssela ence per el plu saurí, sce duc i ladins de Bulsan, Trent, Belun y Friul tegnissa adum y ti dessa la ousc a el.

Ne podessanse nia prové n iade de nes astilé ladins y de mete n ladin tl parlament europeich? Detomas é atif y dessegur colaboràssel con Michael Ebner y con i autri candidac dl Ulivo, ma souradut podéssel propi ester l portaousc de duc i ladins, no demé di chi de Bulsan y Trent, ma ence di fodoms, ampezans, ciadorins y furlans. La mendranza ladina essa enscì sia ousc direta y ala cherscessa de emportanza y ala giatassa ence n majer reconesciment.

Empede ti dé la ousc a chi che à bele l scagn asseguré, daidonde mo chi che à debujegn y che se provassa dessegur deplù per daidé diretamenter duta la mendranza ladina. Don n ejempl de colaborazion y de identité ladina! La redazion envieia a mané ite articui te chest vers, a druché sun la colaborazion interladina. Na moda d'ester senziers y de creie te nos. (uc) (ls/if)


 
Liams emparentés
· Deplú sun l tema Politica
· Chier te noeles


L articul plu liet te chest tema Politica:
Südtirol: Karte mit historisch gewachsenen Namen


Valutazion dl articul
Cumpeida mesana de oujes: 5
Oujes: 1


Preibel toledeves dlaorela de valuté chest articul:

ezelent
dret bon
bon
normal
sclet



Empostazions

 Plata da stampé  Plata da stampé

 Ti ortié chest articul a n/a amich/a  Ti ortié chest articul a n/a amich/a


Per l contegnú di comentars é l autour dl medem responsabel

Comentars anonims n'é nia ametus, preibel registredeves denant
News ©
 
  www.noeles.net



Impressum: Plata on-line publicheda da l'Union Scritours Ladins Agacins - Redazion: Bulsan noeles.info@gmail.com


Implatazion: 0.379 seconc