benvegnus Noeles.net - Informazion ladina
Noeles.net
    Vos ne seis nia loghé ite.   [ Loghé ite ]    

Dal Ofize parcs naturai: ciases davertes
scrit ai 04 May 2004 da les 20:49:17 da noeles

Aministrazion

 

Les ciases di parcs é endò davertes

Poscibelté da aprofondì sies conescenzes -  ai pici mutons ti végnel ofrì triparies y juesc

Les ciases di parcs naturai de Al Plan de Mareo, Toblach y Türesc é da encuei inant davertes al publich. L gran mond dla natura di parcs naturai pò vegnì esploré tl pice. Ai vijitadours che é al prum contat con i parcs ti dà chestes strutures na pruma vidleda de cie che ai encontarà defora tla natura. Esperc à la poscibelté da aprofondì sies conescenzes y ai pici mutons ti végnel ofrì triparies y juesc.



I responsabli dl Ofize provinzial per i parcs naturai se lascia tomé ite de vigni sort: i enjigns é vegnus mudés ju, atualisés y miorés. Tla ciasa dl parch a Toblach végnel prejenté n model nuef dl raion de vita tles montes. A Türesc à l cianton di mutons n microscop nuef. Dlongia esposizions, films y ativités desvalives per mutons giàten tles ciases di parcs biblioteches con truepes publicazions soura la fauna y la flora, soura la cultura y l’ecologia. En plu pieta l’organisazion dles ciases di parcs deplù scomenciadives spezifiches, desche l domesdì per mutons y families con spaziredes combinedes con juesc. Chestes iniziatives à la finamira de lié la informazion con la orela curta. N ejempl che l troi di vijitadours al vif dla natura pò ester dret curt giàten a Toblach, olache atira dlongia la ciasa dl parch métel man l projet "WaldWunderWelt” (bosch/marevueies/natura”), n zenter de juesc y de informazions a revert dl bosch. Les ciases di parcs naturai a Toblach, Türesc y a Al Plan de Mareo é davertes dai 4 de mei enfin ai 30 de otober dal mertesc a la sabeda da les 9.30 a les 12.30 y da les 16.00 a les 19.00. De messel y aost sarà i zentri di vijitadours daverc ence de domenia. L’entreda é debant.

Per avei informazions plu avisa pòn cherdé su diretamenter: la ciasa dl parch natural a Al Plan de Mareo 0474/506120, chela de Toblach: 0474/973017, la ciasa dl parch natural a Türesc: 0474/677546. En plu pòn se informé tres la rei zivica de Südtirol a la miscion: www.provinz.bz.it/naturparke (osp, ls/if)


 
Liams emparentés
· Deplú sun l tema Aministrazion
· Chier te noeles


L articul plu liet te chest tema Aministrazion:
Dal Ofize chestions linguistiches: does verscions ladines dl Statut de autonomia


Valutazion dl articul
Cumpeida mesana de oujes: 0
Oujes: 0

Preibel toledeves dlaorela de valuté chest articul:

ezelent
dret bon
bon
normal
sclet



Empostazions

 Plata da stampé  Plata da stampé

 Ti ortié chest articul a n/a amich/a  Ti ortié chest articul a n/a amich/a


Per l contegnú di comentars é l autour dl medem responsabel

Comentars anonims n'é nia ametus, preibel registredeves denant
News ©
 
  www.noeles.net



Impressum: Plata on-line publicheda da l'Union Scritours Ladins Agacins - Redazion: Bulsan noeles.info@gmail.com


Implatazion: 0.386 seconc