benvegnus Noeles.net - Informazion ladina
Noeles.net
    Vos ne seis nia loghé ite.   [ Loghé ite ]    

I contribuc dla provinzia de Bulsan
scrit ai 03 May 2004 da les 13:41:15 da noeles

Politica

 

La Consulta, la politica y i contribuc

Sce la ativité culturala vegn rateda emportanta, spo déssen garantì na promozion de fonz con laoré fora criteres nuefs che vel per deplù agn - Cie fej pa la Consulta Ladina? - La cultura di "pesc´"

de Lois Trebo

Na ousc critica defront a la politica culturala de Südtirol é chela de Klaus Runer, n paur da les spergles dlongia Bulsan. Al à truep da fé con i teatri y sa cie che al vuel dì, messei vigni ann speté a bot manera, sce y tant de contribuc che na union giata. Te trueps comuns é la cultura al ultim post. Oms politics arata che an n'adore nia cultura, depierpul depen l souravive de na popolazion rodunt da la cultura. Vigni lia depen con les finanzes da la provinzia y perchel ne vuel degugn se brujé i deic, an vuel resté neutrai. Nos son deventés na sozieté de petleri, dij Runer. Vigni ann végnel damané do contribuc a Bulsan; n gran pert stal tant prous che l damanadour é sté, sce al n'à mine via per l ann dessené valch politicon de partì. Deguna lege ne garantesc l dert de promozion, de contribut, vigni ann végnel tout les dezijions danuef. La promozion taca adum con la bona volonté y perchel é i damanadours de contribuc oportunisc’, ai mess l ester sce ai vuel giaté valch deplù.



La provinzia pò zenzauter i mete a un l cortel al col, sce al n'à nia mostré gran simpatia per i governanc, ma les lies é dependentes dai contribuc. Sce la ativité culturala vegn rateda emportanta, spo déssen garantì na promozion de fonz con laoré fora criteres nuefs che vel per deplù agn y che i tol ai damanadours la minonga da ester dependenc dai partis aladò dla idea politica. Sce na lia sa dantfora tant de scioldi che ala giatarà te cinch agn, spo pòla programé laours endertura zenza messei zumpré adum valch per chel puech che i vegn dé. Les Consultes ne conesc nia dutes les ativités y sia emportanza per l grup etnich. Demé partì fora contribuc aladò dal prinzip dla duscia é massa bonmarcé. Al é da se damané, olache al vuel ester deplù, cie projec che dess vegnì realisés, cie gran evenc che an dess lascé de na pert. Enfin a sen n'à la cualité nia valù truep pro la partizion dai scioldi, arata Klaus Runer. Perchel che trueps refla a na manifestazion y che i media scriv truep n'él nia dit che ala se trata de na cossa de gran cualité y valuta. La jent va a cie che ti vegn pité. Chel de ti dé valch a vignun che al tegne la musa, che al lasce n pesc la politica, ajache al é bele compré o n'á nia l coraje da lascé audì sia ousc, chesta politica dess ester passeda, miena l paur dles spergles. Chest comporta smoza, stancieia, zidla oportunisc’ y creatours de cultura de pesc´; ma a chesta maniera nes taionse nos ti deic y i ti fajon dann al svilup cultural, arata Runer. La sozieté culturala vegn oportunista, resta chieta. I son endere dependenc da n svilup cultural dinamich che nosc termegn reste daverc. Chestes osservazions de Klaus Runer sun les sajons passedes speronse che ne vegne nia plu atuales.(ls/if)

 
Liams emparentés
· Deplú sun l tema Politica
· Chier te noeles


L articul plu liet te chest tema Politica:
Südtirol: Karte mit historisch gewachsenen Namen


Valutazion dl articul
Cumpeida mesana de oujes: 5
Oujes: 2


Preibel toledeves dlaorela de valuté chest articul:

ezelent
dret bon
bon
normal
sclet



Empostazions

 Plata da stampé  Plata da stampé

 Ti ortié chest articul a n/a amich/a  Ti ortié chest articul a n/a amich/a


Per l contegnú di comentars é l autour dl medem responsabel

Comentars anonims n'é nia ametus, preibel registredeves denant
News ©
 
  www.noeles.net



Impressum: Plata on-line publicheda da l'Union Scritours Ladins Agacins - Redazion: Bulsan noeles.info@gmail.com


Implatazion: 0.386 seconc