benvegnus Noeles.net - Informazion ladina
Noeles.net
    Vos ne seis nia loghé ite.   [ Loghé ite ]    

Les alergies al stuep dla flour
scrit ai 23 April 2004 da les 20:26:44 da noeles

Sanité

 

Aisciuda, temp plen de stuep dla flour tl'aria

Chi che patesc l'alergia sà cie gran desturbs che al comporta - I anti-istaminics vegn dal prum de merz 2004 paiés da la Cassa Malatia - Medié adorassé per prevegnì astma

Per conesce les gaujes de na alergia al stuep dla flour val debujegn de conesce les plantes y si temps de impolinazion. Truepes plantes se deslergia, davia che ales ne à nia de gran ciofs per tré adalerch eves y insec, tres de gran cuantités de stuep dla flour che vegn straportedes dal vent te n rai enfin a 400 km. Dantaldut dai legns da fueia desche dai bedois, dai alnis, da les nojeres y e.i. peiel via nioles de stuep dla flour da d'aisciuda, meisc temus dai alergics. Al vegn ence desconsié de mangé produc che contegn stuep dla flour, desche la miel. I desturbs: dut l dì stranidlé, brujour ai uedli y se mocé.



L temp ideal per l jolament dl stuep dla flour é na temperatura de 20-30 gres con na asvelteza dl vent de 5-15 km/h; n tueme dl 60-90%, dis soredlifs, con spizes tles ores dantmesdì con vent y n temp selt. Mete averda méssen ence tles ores do les pluevies, ence sce la pluevia netieia l'aier él desmostré che ala spedicieia su l stuep dla flour te milesc de particules che mantegn inant sie efet alergenich. Bele de pices cuantités cleca che l corp dla persona alergica met man de reagì con produje istamin fora de vigni mesura. Al se trata de na sostanza che deloj reazions che an conesc perdret canche an é desfridis: stranidlé, regore dl nes y brujé ai uedli. Contra les alergies al stuep dla flour pòn tò ite medejines, conesciudes desche anti-istaminics, ma ence tò d'autres precauzions per arbassé l gran desturb. Per ejempl tegnì les fenestres sclutes y les daurì demé entratant la nuet da les 22.00 a les 04.00. Ti temps critics jìssel de uega, sce an ciafia, de passé en valgugn dis al mer o alauta tles montes, olàche l stuep dla flour é plu tardif a confront con la planura; cialé de ne fé nia massa sport alalergia y plulere te salfs scluc. Evité l contat con polver y polam de tiers da ciasa. Per cie che reverda i anti-istaminics i tò ite regolarmenter per medié endertura. La alergia al stuep dla flour ne pò nia vegnì touta alalesiera, al podessa deventé astma adenfora y brancé ite i fiés blanc.

 
Liams emparentés
· Deplú sun l tema Sanité
· Chier te noeles


L articul plu liet te chest tema Sanité:
Segureza sun l post de laour


Valutazion dl articul
Cumpeida mesana de oujes: 0
Oujes: 0

Preibel toledeves dlaorela de valuté chest articul:

ezelent
dret bon
bon
normal
sclet



Empostazions

 Plata da stampé  Plata da stampé

 Ti ortié chest articul a n/a amich/a  Ti ortié chest articul a n/a amich/a


Per l contegnú di comentars é l autour dl medem responsabel

Comentars anonims n'é nia ametus, preibel registredeves denant
News ©
 
  www.noeles.net



Impressum: Plata on-line publicheda da l'Union Scritours Ladins Agacins - Redazion: Bulsan noeles.info@gmail.com


Implatazion: 0.371 seconc