benvegnus Noeles.net - Informazion ladina
Noeles.net
    Vos ne seis nia loghé ite.   [ Loghé ite ]    

La clef per daurì 20.000 gens
scrit ai 22 April 2004 da les 19:53:58 da noeles

Scienzes

 

La cherta di gens sen te internet

Passa 20.000 di zirca 30.000 gens umans é vegnus publichés tla rei - l prum vare per svilupé medejines nueves 

(if) N team internazional de archiridours à metù adum na cherta con les majeres funzions di gens umans. La cherta é vegnuda realiseda da 152 archiridours de 40 istituzions. Chest consorz à analisé sistematicamenter i gens y i produc de gens. La banca datesc lascia vedei per l prum iade l coliament anter chestes does sortes de analises. An à dantman enscì na rei globala con les relazions anter i gens/genmos, les desvalives proteines y sies funzions biologiches. Chisc datesc pò vegnì anuzés tres internet da duc i interessés, samben dantdaldut da pert di scienziés di gens umans.



Chest sit davert al publich raprejenteia l adempliment de n vedl some dla archirida genetica. I archiridours à giaté enfin a sen la clef de avisa 21,037 gens che an pò giaté te vigni persona. Chestes informazions é dantdaldut de uega y emportantes per la medejina umana. La direzion  dla delegazion todescia metuda adum da  8  istituzions y impreises fova tles mans de Stefan Wiemann,  repartiment per l'analisa moleculara di genoms, pro l zenter todesch de archirida dl creibesc. "Na cherta detaieda dla maioranza di gens umans é n vare inant per biologs y medesc tla scienza y tl setour dl svilup de medejines a livel mondial", díjel. 

"I son segurs che  la scienza y l'industria farmazeutica podarà giaté tres nosta banca datesc na veduda plu ampla dles raijes y dles gaujes dles malaties umanes", dij l mede Takashi Gojobori dl "Japan Biological Information Research Centre" a Tokyo. "L proscim vare sarà chel de amplié la banca datesc con na enjonta dles malaties genetiches", enjòntel.
La publicazion dla secuenza genetica fova vegnuda arateda propi dant da trei agn a livel mondial una dles majeres arjontes scientifiches dla scienza moderna. Demé che la interpretazion di genoms é empermò l prum vare. L prozes determinant endere, la descrizion dla significat biologich y sia relevanza per malaties dles singules letres, à empermò da vegnì.

L sit: www.jbirc.aist.go.jp/hinv/index.jsp


 
Liams emparentés
· Deplú sun l tema Scienzes
· Chier te noeles


L articul plu liet te chest tema Scienzes:
La clef per daurì 20.000 gens


Valutazion dl articul
Cumpeida mesana de oujes: 0
Oujes: 0

Preibel toledeves dlaorela de valuté chest articul:

ezelent
dret bon
bon
normal
sclet



Empostazions

 Plata da stampé  Plata da stampé

 Ti ortié chest articul a n/a amich/a  Ti ortié chest articul a n/a amich/a


Per l contegnú di comentars é l autour dl medem responsabel

Comentars anonims n'é nia ametus, preibel registredeves denant
News ©
 
  www.noeles.net



Impressum: Plata on-line publicheda da l'Union Scritours Ladins Agacins - Redazion: Bulsan noeles.info@gmail.com


Implatazion: 0.357 seconc