benvegnus Noeles.net - Informazion ladina
Noeles.net
    Vos ne seis nia loghé ite.   [ Loghé ite ]    

Scomenciadiva: Per plu Democrazia
scrit ai 18 April 2004 da les 10:12:34 da noeles

Politica

 

Durnwalder: referendum popular ben, ma nia massa alalesiera

I raprejentanc dla Scomenciadiva "per plu democrazia" vuel na lege referendara con manies lerges: pueces oujes per pié via y ence sun deliberes dla jonta

L president dla Provinzia Luis Durnwalder se à enconté con Stephan Lausch y en valgugn d'autri raprejentanc dla “Scomenciadiva per plu Democrazia" per rejoné dla proposta de lege sun les poscibeltés de formes referendares. La proposta de lege prejenteda da la “Scomenciadiva per plu Democrazia” veid dantfora na picera cumpeida de sotescrizions per envié via n referendum y le votum dess valei ence tl caje che al ne vegn nia arjont l quorum dl 50% di litadours scric ite tles listes litales.



I raprejentanc dla Scomenciadiva se damana plu inant che les dezijions dla Jonta Provinziala dess tamben podei vegnì sotmetudes a n referendum popular. Durnwalder veid en prinzip n referendum positivamenter, ma chest strument dess vegnì adoré demé te chestions de basa. Per chesta rejon él dla minonga che la cumpeida dles sotescrizions dess ester plulere auta, dantaldut per evité referendums nascius da idees con fins politics. En plu méssel vegnì garantì na certa segureza de dert tamben te leges provinziales che ence te dezijions dla Jonta. Sce na lege o na delibera ne pò nia jì en doura per trei meisc, portassa chest a melsegureza tla popolazion y a ocajions per chi che vuel se tré fora valch vantaje denant che la lege posse jì en doura. Prinzipalmenter ne dess les deliberes dla Jonta Provinziala nia vegnì sotmedutes a n referendum, ajache scenò ne essa la jonta nia plu l podei de governé. El é ence dla minonga che pro n referendum sun les gran chestions de basa pòn a poura nia se damané n’afluenza a les urnes dl 50%. Con i raprejentanc dla Scomenciadiva per plu Democrazia vuelel resté en contat ence tl davegnì. Propostes de mudazion a la proposta de lege dl Svp sun dezijions da pert dla popolazion pò dagnora vegnì portedes dant. (osp, ls/if)

 
Liams emparentés
· Deplú sun l tema Politica
· Chier te noeles


L articul plu liet te chest tema Politica:
Südtirol: Karte mit historisch gewachsenen Namen


Valutazion dl articul
Cumpeida mesana de oujes: 0
Oujes: 0

Preibel toledeves dlaorela de valuté chest articul:

ezelent
dret bon
bon
normal
sclet



Empostazions

 Plata da stampé  Plata da stampé

 Ti ortié chest articul a n/a amich/a  Ti ortié chest articul a n/a amich/a


Per l contegnú di comentars é l autour dl medem responsabel

Comentars anonims n'é nia ametus, preibel registredeves denant
News ©
 
  www.noeles.net



Impressum: Plata on-line publicheda da l'Union Scritours Ladins Agacins - Redazion: Bulsan noeles.info@gmail.com


Implatazion: 0.386 seconc