benvegnus Noeles.net - Informazion ladina
Noeles.net
    Vos ne seis nia loghé ite.   [ Loghé ite ]    

Provinzia de Belun: dant les lites
scrit ai 09 April 2004 da les 09:34:36 da noeles

Politica

 

Ciadoura, l Agordin, l Zoldan y l Comele se à declaré ladins

Tla provinzia de Belun se à 39 comuns declaré ladins, vuel dì gran pert dla provinzia a nord de Belun, ma demé 3 fej pert dla "Ladinia storica" dl Sela

de Lorenzo Soratroi

La provinzia de Belun reclameia spezifizité a la Region, ma tl medem temp éla sourda a chel che i trei comuns ladins de Fodom, Col y Ampez se damana. Chesta é la situazion politica sen doi meisc dant les lites per l renovament dl Consei Provinzial. N comportament incongruent che ne pò nia sciampé al giudize di ladins de chestes trei comunités. La bataia per l’autonomia dl’aministrazion De Bona é passeda emprumadedut tres l deslargiament autoritar y inmotivé dla ladinité y dla Ladinia storica dles Dolomites.



De chest, coche el à dit dert l president dla Generela, Nani Pellegrini, se en àn entenù ence a livel de Europa, ma no demé ilò. La medema Region y l Stat s’à damané les motivazions de chesta dualité, ruveda con la nasciuda de doi istituc ladins. L sedim de chesta politica ne é y ne sarà dessegur nience per l davegnì. Belun vegnirà tres cialeda stort da les realtés damprò, che da temp à reconesciù y che sa de avei te siei confins na mendranza ladina. Na politica che à prové ence de ti tò l’autonomia a chi che ala ti é vegnuda reconesciuda dadie per motivazions storiches, ma che s’à arvejiné desche sce nia fossa a chisc ultims canche ala se à traté de avei valch visibelté o per rejons economiches. Ie creie che a chest pont, a doi meisc da les lites, fòssel dert y bon sentì n “mea culpa” per chesta situazion che s’à crié, olache baudiamenc y stritaries anter neo y "vedli" ladins é oramai al orden dl dì. Souradut per tourné a mete la politica sun n plan razional y congruent. An ne pò nia pretene de ciapé da la dreta (nia tl sens politich dl termen), cie che an ne nes conzed nia con la ciancia. La delibera dl Consei Provinzial descor cler y ala reconesc spezifizité ai trei comuns che fej pert dles comunités ladines storiches, destachedes dal ciuch original di Ladins dl Sela. De chest vers cie él gnù fat? N ejempl, pice pice sce an vuel, ciàpen ence sun l sit internet dla Provinzia de Belun, olàche al é na sezion, o liam, dediché a les mendranzes. Adum a la lista de duc i comuns declarés ladins, con tant de spliazion, o tentatif de spliazion, dl percie che Calalzo de Ciadoura é vegnù metù ite de ofize desche “ladin” zenza deguna delibera ofiziala, ne végnel metù degun referiment a la spezifizité di trei comuns de Fodom, Col y Ampez. Nia de nia, nience la zitazion dla delibera o auter, desche la nasciuda dl istitut da Col, che evidenzieie l’ativité de chestes comunités ladines. El enscì che an vuel dles dutes che chisc Comuns reste tla provinzia de Belun, che ai sostegne ence la credibelté ladina de duc chi autri trentasies comuns? Ma sce an vuel chest, ne creii nia che chela touta sie la mioura streda.

Comuns declarés ladins tla provinzia de Belun:  Calalzo, Agordo, Alleghe, Auronzo di Cadore, Borca di Cadore, Canale d’Agordo, Cencenighe Agordino, Cibiana di Cadore, Colle S. Lucia, Comelico Superiore, Cortina d’Ampezzo, Danta di Cadore, Domegge di Cadore, Falcade, Forno di Zoldo, Gosaldo, La Valle Agordina, Livinallongo del Col di Lana, Lorenzago di Cadore, Lozzo di Cadore, Ospitale di Cadore, Perarolo di Cadore, Pieve di Cadore, Rivamonte Agordino, Rocca Pietore, San Nicolò di Complico, San Pietro di Cadore, S. Tomaso Agordino, San Vito di Cadore, S. Stefano di Cadore, Selva di Cadore, Taibon Agordino, Vallada Agordina, Valle di Cadore, Vigo di Cadore, Vodo di Cadore, Voltago Agordino, Zoldo Alto, Zoppè di Cadore.

Referent per les mendranzes é Gianni Pezzei da Fodom, ex ombolt y ex assessour tla provinzia de Belun.


 
Liams emparentés
· Deplú sun l tema Politica
· Chier te noeles


L articul plu liet te chest tema Politica:
Südtirol: Karte mit historisch gewachsenen Namen


Valutazion dl articul
Cumpeida mesana de oujes: 0
Oujes: 0

Preibel toledeves dlaorela de valuté chest articul:

ezelent
dret bon
bon
normal
sclet



Empostazions

 Plata da stampé  Plata da stampé

 Ti ortié chest articul a n/a amich/a  Ti ortié chest articul a n/a amich/a


Per l contegnú di comentars é l autour dl medem responsabel

Comentars anonims n'é nia ametus, preibel registredeves denant
News ©
 
  www.noeles.net



Impressum: Plata on-line publicheda da l'Union Scritours Ladins Agacins - Redazion: Bulsan noeles.info@gmail.com


Implatazion: 0.411 seconc