An se prejenteia ence per ladin (standard)
En l ann passé à l stude da comerzialist Verginer daurì na senta nueva tl Loewe-Centrum a Varn dlongia Persenon - Sit internet nuef: an adora ence l ladin standard per se prejenté deforavia - Sun l sit pòn lieje do les ultimes novités dl ciamp economich-aziendal
N sit internet fat desch'al auda é deventé na cherta da vijita per vigni impreisa, stude o istituzion. La valuta cresc, sce al à tamben n valour pratich-informatif, arjonjan n rai plu ampl poscibel. Chisc dis él ju on-line l sit dl stude da comerzialist Verginer Business Consulting. L stude, con senta prinzipala a Al Plan de Mareo, é vegnù fondé dl 1984 dal raj. Verginer Pasquale. Al se à afermé damprovia dilan a sia competenza madorida tl ciamp dla consulenza economich-aziendala, dla contabelté y te dutes les pratiches burocratiches (contrac, zescions, arpejons y e.i). L stude é chersciù y à amplié ti ultims agn si servisc tant inant che an à vaghé n saut a livel provinzial y souraprovinzial, metan en pé en l ann passé na senta destacheda tl Loewe-Centrum a Varn, damprò da Persenon, na posizion davejin a les majeres vies de comunicazion. Novité dlongiavia: la firma se prejenteia ence per ladin y plu avisa per ladin standard. Endò n iade végnel desmostré che la jent ne à degun problem empera, tant demanco na firma che vuel arjonje con sie messaje y sia oferta dut l raion ladin da la Val Badia a Gherdeina y sourafora.
L team dla VBC Verginer Business Consulting é metù adum dal aconsiadour comerzialist Rag. Pasquale Verginer y da n bel clap de colaboradours/colaboradesses con spezialisazions desvalives. D'enjonta laora la VBC Verginer Business Consulting deberieda con spezialisc´ che vegn cherdés canche ala va de uega. Sie ciamp de ativité scluj ite dutes les ativités aziendales per cie che reverda l destrigament de pratiches scrites, da la fondazion a la contabelté, da la sourandeda a la scluta de na impreisa, desche ence dutes les sortes de pratiches contratuales y pratiches de arpejon.
La plata pò vegnì vijiteda a la miscion www.verginer.it .
L Löwe-center a Varn dlongia Persenon, davejin a l'autostreda A22, senta con truepes firmes.
