benvegnus Noeles.net - Informazion ladina
Noeles.net
    Vos ne seis nia loghé ite.   [ Loghé ite ]    

Intervista: Barbla Etter respon
scrit ai 01 April 2004 da les 18:52:27 da noeles

Cultura

 

"Ins pudess profitar dapli dals vischins"

Intervista a Barbla Etter da Madulain/Engiadina Auta, studenta de romanistica a l'université de Fribourg y atualmenter per n semester a l'université de Bulsan

Barbla Etter, 26 agn, vegn da l'Engiadina Auta, plu avisa dal paisc de Madulain. Ala studieia a l'université de Fribourg romanistica y storia. Dal prum de merz éla per un n semester a Bulsan, olà che ala tol pert ai cursc de storia, de ladin y de talian. Ala é colaboradoura ocajionala dla "Quotidiana" y fej traduzions tl Rumanc Grijun per cont dla Confederazion Helvetica, p.ej. la plata ofiziala dla Confederazion enstessa http://www.ch.ch/urn:ch:rm:ch:ch:01 (n bel ejempl de aplicazion ofiziala) olàche vigni zitadin po se informé sun chestions aministratives. Sie obietif profescional é atualmenter chel de jornalista. I la on enconteda al Convegn "Poscibeltés dl ladin: idees per na promozion linguistica", de chel che ala à ence scrit n articul per la Plata Ladina y per nost sit.



Co ruva pa na joena rumancia a fé n semester a l'université de Bulsan-Persenon?

Tar nus a l'universitad vegn cusseglià da far in semester a l'ester. Sch'ins fa dentant rumantsch en il rom principal, èsi difficil dad ir a l'ester, pertge che na dat betg bleras pussaivladads. Jau sun ma decidida da vegnir a Bulsaun per emprender ad enconuscher meglier la situaziun dals ladins e per emprender in tec ladin.

Sen eise passé prest n meis a l'université, fosc eise ence vijité les valedes ladines. Ciunes é pa vostes imprescions?

Dischplaschaivelmain n'hai jau betg anc gì bler temp da visitar las vals ladinas. Ma jau vegn segir a far in pèr visitas a las vals. Fin uss hai jau fatg bunas experientschas qua a l'universitad a Bulsaun, ed er a Persenon. Er il congress ladin da venderdi, ils 26 da marz m'ha dà la pussaivladad da vegnir a savair dapli dals problems dal Ladins e da lur discussiun. Er hai emprì d'enconuscher diversa glieud. Il curs da ladin da Paul Videsott è fitg interessant e jau hai chapì magari bain da tge ch'el ha discurrì. Ma mintgant hai jau difficultads da seguir a conversaziuns ladinas sch'i vegn discurrì svelt.

Desche an auda é la Engiadina Auta una de cheles regions rumances olà che al vegn rejoné tres manco rumanc ...

Gea, quai è vaira. L'economia da l'Engiadin'Auta è fundada sin il turissem ed uss vegn adina dapli glieud en val, che n'è betg pronta dad emprender rumantsch. San Murezzan è gia ditg tudestg ed ha er ina scola tudestga. Er la glieud che lavura in Engiadin'Auta discurra per gronda part tudestg. En ina butia a San Murezzan chatt'ins strusch ina persuna che discurra rumantsch. En la part sut da l'Engiadin'Auta èsi anc meglier, ma er là vegn adina dapli glieud da lingua tudestga a star, er gist a Madulain, nua che jau sun da chasa.

Co vedeise pa Vos les poscibeltés, cie emportanza po pa avei te chest cheder relazions anter la Svizra rumancia, Dolomites y Friul?

Jau hai l'impressiun ch'ins savess collavurar fitg bain cun las autras regiuns rumantschas, cun il Friul ed ils Ladins da las Dolomitas. Quai dess segir er novs impuls al moviment linguistic. Important fiss dentant er, che las Vals Grischunas fissan pli unidas tranter dad ellas e collavurassan er tranter ellas dapli. Il Rumantsch Grischun fiss ideal per ina collavuraziun tranter ils Rumantschs e vess da vegnir duvrà bler dapli. Sche las trais regiuns linguisticas fagiessan in pèr projects ensemen, fissan ellas er bler pli fermas. Cun las medemas ressoursas savess ins far dapli.

Jau hai l'impressiun che in Grischun san ins pauc da noss vischins linguistics. Per collavurar fiss bun da discurrer e da s'interessar dapli per ils Ladins ed ils Friulans, saja quai en scola, ma er en las medias. I fa surstar, che ils Ladins Dolomitans discurran per part da precis ils medems problems sco nus er. Sch'ins savess dapli da l'auter, savess ins er profitar da soluziuns che ils vischins han gia chattà.

Ence tl Grijon ne ésen nia dlonch a una con l Rumantsch Grischun (da paradlé a nost Ladin Standard) ...

Il esser vegnì lung cun il Rumantsch Grischun (RG) è da relativar: en quai che pertutga l'adminstraziun pon ins oz esser pli u main cuntent. Il Rumantsch Grischun s'ha etablì sco lingua administrativa dal chantun e da la Confederaziun. Forsa vegn er translatà dapli co avant grazia al RG. La populaziun s'ha intant er disada al RG sco lingua administrativa. Uss datti dentant grondas discussiuns davart l'introducziun dal RG en scola. Gist l'Engiadina sa defenda vehementamain cunter il RG en scola. Els crititgeschan il proceder da la regenza, l'emprim hajan els decis dad introducir il RG ed il concept vegn elavurà pir suenter. Plinavant vulan ils Engiadinais decider svess tge lingua ch'els vulan instruir. Er è qua la tema ch'ils idioms ed il RG perdan cun ina introducziun en scola memia prematura.

Dilan per les respostes


 
Liams emparentés
· Deplú sun l tema Cultura
· Chier te noeles


L articul plu liet te chest tema Cultura:
Sotescrivede l Manifest LADINIA 2005!


Valutazion dl articul
Cumpeida mesana de oujes: 0
Oujes: 0

Preibel toledeves dlaorela de valuté chest articul:

ezelent
dret bon
bon
normal
sclet



Empostazions

 Plata da stampé  Plata da stampé

 Ti ortié chest articul a n/a amich/a  Ti ortié chest articul a n/a amich/a


Per l contegnú di comentars é l autour dl medem responsabel

Comentars anonims n'é nia ametus, preibel registredeves denant
News ©
 
  www.noeles.net



Impressum: Plata on-line publicheda da l'Union Scritours Ladins Agacins - Redazion: Bulsan noeles.info@gmail.com


Implatazion: 0.363 seconc