benvegnus Noeles.net - Informazion ladina
Noeles.net
    Vos ne seis nia loghé ite.   [ Loghé ite ]    

Joufs entourn l Sela: ostiers scetics
scrit ai 31 March 2004 da les 08:27:22 da noeles

Economia

 

Saré i joufs selans fossa n gran dann

N ostier sun Pordou dij la sia: l paiament de na transiadura ne vegn nia veduda desche na soluzion - An dess prové empruma d'autres stredes per smendrí l trafich

de Lorenzo Soratroi

I ostiers sun i joufs entourn l Sela se fej audí do l “summit”di raprejentanc dles provinzies de Bulsan, Trent y Belum sun la chestion dl trafich che sofoia les stredes da mont. Da Pordou végnel la ousc de Danilo Dezulian contrara a l’idea de fè paié na transiadura ai autisc´ che vuel ruvé sun i joufs selans. Aladò dl impresar fascian podessa chest avei fazions pesoces sun l’entiera economia turistica dles Dolomites. “Na  transiadura lesiera”, dij Dezulian, “scecassa demé  l scior y ne condujessa a deguna soluzion."  A fé paié sech endere risiàssen de descontenté chi che paiassa empò y ence chi che ne paiassa nia o ne essa nia l muet. Chest essa l efet de insciautrì l scior de ne vegnì nia plu tles Dolomites. Aladò de Dezulian é l scior usé, a tort o a rejon, a conscidré les monts y i joufs desche n ben da podei adoré debant. Ti l fé paié zenza na dreta motivazion o zenza ofrì valch de alternatif, podessa conduje a reazions negatives. Foto: l jouf de Frera; les stredes soura i joufs á ence na gran emportanza per i contac anter les valedes ladines, ence perchel ne pòn nia les scluje.



"Vigni dí, tai meisc de sajon, rùvel sun Pordou deseines y deseines de auti che parcheia. La jent resta ilò enfin domesdì y canche ala vegn zeruch, se met duc en coda desche dadoman, ma dl auter vers. Chesta podessa ester la pert de trafich da podei eliminé." Ma co pa? “Con la creazion de plazes da parché judapé i joufs, l’istituzion de servisc publics de trasport y n’aministrazion sceria, a paiament, dles lueges per i auti sunsom i joufs”, miena Dezulian. Na mentalité da mudé spo desche chela che valgugn miena de podei avei dut debant. “Gonot”, enjonta Dezulian, “arata trueps sciors nos ostiers desche 'raspadures', demé percie che i ghiron valch canche ai va te toileta zenza consumé nia tl local, ma a nos nes còstel n grum de ega, de jafa y de papier, sce an pensa che al vegn da porta ite cenc y cenc de persones vigni dì.” Entratant l’enconteda de Bulsan fòvel gnù trat ca ence la poscibelté de saré i joufs ai 8 de messel per la giorneda da dedieda a les rodes. Chesta scomenciadiva tomassa belavisa cater dis do la Maratona dles Dolomites,  na proposta a chela che Dezulian ti nieia vigni sostegn. “Demé sun la cleva fasciana de Pordou y dl jouf dl Sela él plu de na deseina de ostaries con apostazions bele da meisc. Sce al vegnissa saré i joufs vegnissa chestes resservazions anuledes, adum al trafich normal. N dann che nos, vedù cie che al é suzedù dantvia,  volon nes sparagné".

transiadura = pedaje, couta per passé, parola formeda do l model de "siadura"= priesc da paié per lascé sié


 
Liams emparentés
· Deplú sun l tema Economia
· Chier te noeles


L articul plu liet te chest tema Economia:
Economia: Stude da comerzialist Verginer


Valutazion dl articul
Cumpeida mesana de oujes: 0
Oujes: 0

Preibel toledeves dlaorela de valuté chest articul:

ezelent
dret bon
bon
normal
sclet



Empostazions

 Plata da stampé  Plata da stampé

 Ti ortié chest articul a n/a amich/a  Ti ortié chest articul a n/a amich/a


Per l contegnú di comentars é l autour dl medem responsabel

Comentars anonims n'é nia ametus, preibel registredeves denant
News ©
 
  www.noeles.net



Impressum: Plata on-line publicheda da l'Union Scritours Ladins Agacins - Redazion: Bulsan noeles.info@gmail.com


Implatazion: 0.389 seconc