Contribut de viade per studenc

Les speises de viade a ciasa vegn retudes en pert - proscima tomanza ai 30 de auril 2004

Vigni student che ademplesc i criters ghirés pò fé domanda do n contribut pauscial per speises de viade referides al ann de scola 2003/04. Les condizions é chestes: l "davagn netto" familiar ne pò nia souravarié 23.500 euro dl 2002, an mess passé almanco 150 dis tl luech de stude y furné via per l ann almanco cinch iadesc a ciasa y zeruch. I resultac scolastics ne vegn nia aratés. Les speises per doi viadesc a ciasa y derevers vegn curides al 100% y per i autri trei viadesc al 50% y corespon al priesc de na cherta dla ferata de seconda classa. La speisa mess almanco arjonje 103 euro per vegnì ametuda.

Sce l student ne à nia fat domanda de contribut de stude a la Provinzia méssel ence enjonté na copia dla declarazion di davagns, de chela di genitours y eventualmenter ence chela dl om o dla femena. Informazions plu menudes giàten tl Ofize Provinzial per l’assistenza universitara tla pruma auzeda, ofize 1 enfin a 5, tl Palaz Provinzial VII tla streda Andreas-Hofer 18 a Bulsan. L numer de telefon é l 0471-41 33 03 y de e-mail margherita.burger@provinzia.bz.it

I formulars per l contribut dles speises de viade giàten tamben tl Ofize Provinzial per l’assistenza universitara y tla rei zivica de Südtirol a la miscion http://www.provinzia.bz.it/schulfuersorge-berufsberatung.

(lpa: ls/if)