benvegnus Noeles.net - Informazion ladina
Noeles.net
    Vos ne seis nia loghé ite.   [ Loghé ite ]    

Program 2004 Museum Ladin Ciastel de Tor
scrit ai 25 March 2004 da les 15:43:53 da noeles

Cultura

 

"Trienala Ladina", ert ladina

Entratant resserveda a Badia y Gherdeina - Adenjonta gniràl fat esposizions sun la "Scola de ert de Selva", sun "La sauderina Catarina Lanz" "Guanc da zacan"

L diretour dl museum Stefan Planker y l president Heinrich Huber à prejenté enier (24.03) les majeres novités a Bulsan. Una dles atrazions dess ester la pruma edizion dla mostra culturala "Trienala Ladina". Dlongia na raia de esposizions y de conferenzes vuel l Museum Ladin a San Martin de Tor enscí envié via na scomenciadiva nueva clameda "Trienala Ladina", na selezion de operes de cinch artisc´ ladins. Chisc cinch inoms gnirà cernus da na juria metuda adum da personalités dl ciamp dla ert. Ametus a la cerna é entratant n iade demé laours de artisc' de Gherdeina y de Badia y de dut l Adesc Aut che se sent ladins. L termen per mané ite na descrizion di laours y dles ativités artistiches con curiculum é le 15 de mei 2004. Pro la proscima edizion dla "Trienala Ladina", te trei agn, vuelen spo deslargé la partezipazion a dutes les valedes ladines dles Dolomites, i Grijons y l Friul. 



I laours di cinch artisc' gnirà esponus dai 15 enfin ai 23 de setember 2004 tl Museum Ladin. Dla juria fej pert personalités desche Alessandro Riva, Peter Weiermaier, Anna Maramotti, Margit Brehm, Letizia Ragaglia y l diretour dl museum enstes Stefan Planker. La finamira, enscí i organisadours, é chela de daurì l'ert ladina soura si confins fora y de ne se scluje nia ite. Emplù vuelen ti dé la poscibelté ai artisc´ joegn de espone si laours, ti dan a chesta moda motivazion de varié inant tl'ert. L Museum Ladin aráten che se adateie dret ben per de tel esposizions speziales, ajache ti agn á l museum podù arcumpedé entourn 20.000 vijitadours al ann, à dit Huber. Adenjonta dla "Trienala Ladina" y dl'esposizion sun storia, lingaz, archeologia, geologia y artejanat, sporjarà l Museum en valgunes d´autres esposizions: chela sun la "Scola d'ert te Selva" de auril, de messel gniràl daurì na sezion nueva dl museum sun "la sauderina Caterina Lanz" y de aost él sun l program na mostra sun "Guanc da zacan y l artejanat". Ai prums de setember saràl da vedei i artisc´ gherdeines dla Unika sot a l titul "Museum che viv". Anterite él tres endò manifestazions per scolés, conzerc y mostres sun l program. Informazions plu avisa sun la "Trienala Ladina", l Museum Ladin y l program é da giaté tl Museum Ladin Ciastel de Tor a San Martin de Tor, cherdan su l numer de telefon 0474 524020 o manan na e-mail a info@museumladin.it. (fontana: osp, ls/if)

 
Liams emparentés
· Deplú sun l tema Cultura
· Chier te noeles


L articul plu liet te chest tema Cultura:
Sotescrivede l Manifest LADINIA 2005!


Valutazion dl articul
Cumpeida mesana de oujes: 0
Oujes: 0

Preibel toledeves dlaorela de valuté chest articul:

ezelent
dret bon
bon
normal
sclet



Empostazions

 Plata da stampé  Plata da stampé

 Ti ortié chest articul a n/a amich/a  Ti ortié chest articul a n/a amich/a


Per l contegnú di comentars é l autour dl medem responsabel

Comentars anonims n'é nia ametus, preibel registredeves denant
News ©
 
  www.noeles.net



Impressum: Plata on-line publicheda da l'Union Scritours Ladins Agacins - Redazion: Bulsan noeles.info@gmail.com


Implatazion: 0.373 seconc