benvegnus Noeles.net - Informazion ladina
Noeles.net
    Vos ne seis nia loghé ite.   [ Loghé ite ]    

Aprovazion dl bilanz sburleda a jené
scrit ai 20 December 2002 da les 14:49:03 da noeles

Politica

 

Willeit brancia do l'erma plu temuda: la votazion do grup etnich dl bilanz de previjion - El damana ence le sostegn per dertoré la Cësa di  Ladins zenza messei dé ju la proprieté ala provinzia

La scuntreda danter maioranza y mendranza se fej plu dura. Le rapresentant ladin y vizepresident dl Consei, dr. Carlo Willeit, ne à  nia dé pro le bilanz de previjion pro la ultima senteda dl Consei provinzial y s'à tignì a na prozedura veduda dantfora dal Statut de autonomia per sconé i interèsc de en grup etnich, te chest caje de chel ladin, sce el rata de ester vegnù traté nia endretura y ingiustamenter dala maioranza, te chest caje dala SVP. Do le mote ne ti jovel a Willeit nia plu traté cun la maioranza (SVP) cun "de beles manires" - vedú ence sciche al é vegnú metú l'assessour Florian Mussner unilateralmenter dala SVP. Willeit à sen brancé do a una dles mesures plu drastiches per fé capì y audì clermenter sia posizion.

Un di poms dla descordia. La Cësa di Ladins a Urtijei, la SVP  vuel na pert dla puscion per la provinzia tl caje dl conzediment de n contribut. La Lista LADINS é decontra.



Willeit à fat recurs a chesta poscibelté  do che sies propostes per sostignì la derturazion dla Cësa di Ladins (dlongia la costruzion dla ciasa per la joneza) y per sconé l'artejanat artistich, ne é nia vegnudes toutes in consciderazion dala maioranza SVP. Fé valei le dert dl Statut y  damané la lita aldò di grups linguistics, ne ti dan nia pro al capitul dl bilanz sun la cultura ladina, pervia di puec mesuns a desposizion, fova un di ultims mesuns per  fé audí sia ousc. Chesta erma á sen Willeit brancé ite.

La conseguenza: l’aprovazion dl bilanz de previjion é vegnuda renvieda ala senteda di 7 de jené, for che le plenum ne vegne nia cherdé ite bele denant. Entratan messarà la SVP se cruzié dla comiscion, veduda dantfora dal art. 84 dl statut d'autonomia, che ess bele daussù vegnì nomineda dan cater agn y che arà da se cruzié dl capitul contesté da Willeit: “strutures per ativités culturales y l servisc ai joegn tl lingaz ladin”. La ghiranza de Willeit à sciaudé valgugn comembri che à empermetù de ti la rete. "La SVP é tomeda pervia de sia posizion dura. Ti dé pro a mia proposta o ence demé la empermetuda dla Jonta provinziala de sostignì la Cësa di Ladins zenza pretene la puscion, ti essa sparagné al Consei provinzial d’autres sentedes per aprové le bilanz", dij Willeit, segur de sia dezijion.

La comiscion paritetica veduda dantfora dal art. 84 dl statut d'autonomia veiga dantfora  2 rapresentanc todesc (i inoms da pert dla SVP é bele vegnus fac tles persones de Durnwalder y Baumgartner), 2 rapresentanc talians, mo degun ladin, tolarà na dezijion lienta per le Govern Provinzial. Sce la comiscion ne giatessa nia na soluzion passa la chestion al Tribunal Aministratif.

 


 
Liams emparentés
· Deplú sun l tema Politica
· Chier te noeles


L articul plu liet te chest tema Politica:
Südtirol: Karte mit historisch gewachsenen Namen


Valutazion dl articul
Cumpeida mesana de oujes: 4.16
Oujes: 12


Preibel toledeves dlaorela de valuté chest articul:

ezelent
dret bon
bon
normal
sclet



Empostazions

 Plata da stampé  Plata da stampé

 Ti ortié chest articul a n/a amich/a  Ti ortié chest articul a n/a amich/a


Per l contegnú di comentars é l autour dl medem responsabel

Comentars anonims n'é nia ametus, preibel registredeves denant

Re: Aprovazion dl bilanz sburleda a jené (ponc: 1)
da giatfosch (badiot@hotmail.com) ai 20 December 2002 da les 16:29:51
(Infos sun l utilisadour | Ti mané n messaje privat)
Carlo, nosc Andre (Hofer)
che nes defenn dala prepotenza
dl aroganza
dl potere
che n'ô nia azeté
ch'al sides inc n grup ladin
cun sües rajuns.




Re: Aprovazion dl bilanz sburleda a jené (ponc: 1)
da travers ai 20 December 2002 da les 16:48:10
(Infos sun l utilisadour | Ti mané n messaje privat)
N aplaus a Willeit, "a casi estremi, mezzi estremi" dìjun por talian. La SVP scraiarà fora Willeit sciöche ala à dagnora fat, ma intratan méssela capì che i ladins ne se lascia nia tò por le cü; y spo da perde n'un impò nia.
La provinzia spene ite zifres colossales te strutures culturales "ofiziales", chësc ò dì controlades dala provinzia (ciara Université, Eurac, y ence l Museum de Tor), mo al pé che ala ne ides nia n per de miliuns da dé ca por na strutüra culturala autonoma . Sce la Union culturela de Gherdëina toless mefo la cherta dl partì por ti daurì le tacuin a Mussner?



Re: Aprovazion dl bilanz sburleda a jené (ponc: 1)
da giatfosch (badiot@hotmail.com) ai 22 December 2002 da les 15:04:40
(Infos sun l utilisadour | Ti mané n messaje privat)
Mussner é dan da zirca n ann gnü cherdé. nia lité, "cherdé".
y olà che ara jea de cuestiuns essenziales dla cultura ladina él dlunch sté cuntra: ladin standard, olá che al ne va nia a n convegn con spezialisc dla standardisaziun dl'Europa entiera; mo al é jü fora na zircolara co dij che an dess adoré o le badiot o le gherdena (slüt fora ensciö en ladin standard). Al á tut demez dal ejam de trilinguism i idioms fascian, fodom y ampezan - y completeia ensciö la tripartiziun. Che à laóta fat la tripartiziun: i fascisc. Mussner completeia tl'adoranza di idioms la tripartiziun.
Cesa di ladins: recat: sc'i ne se deis nia la ciasa, ne ciafeise nia contribuc, chesta l'essenza!

en om de partì, nia lité, mo cherdé.
co dijon can che porsones röa a podesté zenza litaziun???

Mussner: cherdé dla maioranza por desfà le lingaz ladin.






News ©
 
  www.noeles.net



Impressum: Plata on-line publicheda da l'Union Scritours Ladins Agacins - Redazion: Bulsan noeles.info@gmail.com


Implatazion: 0.368 seconc