Peresc tres plu vedli
La mesaria é de 34 agn - Passa 5.000 peresc tira su si mutons zenza oma
Endoman, ai 19 de merz, végnel festejé Sant Ojep. Chest dì é dediché te trueps statesc europeics, en maioranza catolics, a la festa dl pere. L inom “Ojep, Josef, Giuseppe“ vegn dant 7.673 iadesc tles listes di inoms de ei tla provinzia de Bulsan. Al é l inom plu deslargé tla provinzia de Bulsan y bonamenter ence autrò: 33 sun 1000 ei se clama Ojep te dutes sies variantes Sepl/Jep/Jepele y e.i. Di 5.208 mutons nascius entratant l ann 2002 tl Adesc Aut ova 347 n pere da foradecà y anter chisc ova l 73,8% tramidoi genitours da foradecà.
La eté mesana di peresc da la nasciuda dl prum viadour (pop) fova dl 1985 31,9 agn. Tl 2002 se à chesta mesaria auzé a 34,4 agn, enscì les enrescides statistiches dl Astat. La cumpeida di peresc che cresc su si mutons dassoui é aumenteda cotant: dl 1990 nen fòvel 3.149, 12 agn plu tert nen cumpeiden 5.070. (astat).
