N sit nuef conta la storia dla Union Ladins Val Badia

Sies personalités y sies ativités te prest mez secul de storia - N grum de publicazions y de iniziatives

(is) Te chisc ultims meisc é juda on-line con n sie sit la "Union Ladins Val Badia", presidenzieda encuei da Werner Pescosta de Badia. Al é na union che á abú y che á dutaorela na gran emportanza tl cheder dles ativités de promozion de lingaz y cultura ladina. Ala á scomencé sies ativités ti agn dl 1950 y á sapú da se renové damprovia. L sit fej na cronistoria scialdi rica y reporta n grum de detais dla vita dla Union y dantaldut dles persones atives laite che merita de vegní recordedes. N grum de personalités ladines dla Val Badia é stedes atives tl Consei dla Union, enscí i pioniers che an veid sun chesta foto: Silvester Erlacher (editour de "Nos Ladins", l prum foliet interladin), Ujöp Pizzinini, Franzl Pizzinini y Stachio Costa.

La publicazion anuala dla Union di Ladins Val Badia é "Sas dla Crusc", na cronica di fac suzedus te vigni paisc dla valeda y dles ativités dla Union. La miscion dl sit, metú adum graficamenter te na maniera scialdi garateda da la firma Madem de Mario Clara da Lungiarü, é: http://www.ulvb.ladinia.net/ .

L sit pieta en plu n catalogh de dutes les publicazions dla Union y la poscibelté de aposté on-line.