benvegnus Noeles.net - Informazion ladina
Noeles.net
    Vos ne seis nia loghé ite.   [ Loghé ite ]    

Resson 25 agn Plata Ladina
scrit ai 02 March 2004 da les 08:05:41 da noeles

Politica

 

"O che te manges chesta jopa o che te restes sun zopa!"

"La tema de dí valch tla provinzia de Bulsan - discurs interladin completamenter aplatì"

de Umbert Cians

I 25 agn dla “Plata per i Ladins” à abù n resson dassen desvalif tl raion dla Ladinia: Trent y Belun à desmostré gran reconescenza y interes, Balsan à scuté via. Deguna touta de posizion, no a livel politich, no a livel cultural. L invit mané fora ai 17 de fauré de lascé audì la minonga positiva o critica en gaujon di 25 agn dla plata à giaté na gran resposta souradut da pert de Fascia, segn che an crei dailò tla cultura ladina, te sie svilup, tla realté interladina y tl bujegn de n lingaz standard da anuzé tla scritura. De Bulsan àn demé audì l pensier de Carlo Willeit, dla Consulta dl Comun da Bulsan y chel dl diretour de chest sfuei Alto Adige. Scenò, assolutamenter nia.



Te valgunes toutes de posizion fòvel conscidrazions emportantes che se essa merité de vegnì svilupedes a livel de radio y dla Usc di ladins. Encandenò, nia. An ne s’enfida plu da dì nia. La ditatura é totala. O mangeste la jopa, o te restes te zopa. Chesta plata ne azetarà mai n tel sistem y perchel lauraràla ciamò plu dassen inant per descedé les coscienzes. Colaboradours scraiede! (uc)

 
Liams emparentés
· Deplú sun l tema Politica
· Chier te noeles


L articul plu liet te chest tema Politica:
Südtirol: Karte mit historisch gewachsenen Namen


Valutazion dl articul
Cumpeida mesana de oujes: 5
Oujes: 1


Preibel toledeves dlaorela de valuté chest articul:

ezelent
dret bon
bon
normal
sclet



Empostazions

 Plata da stampé  Plata da stampé

 Ti ortié chest articul a n/a amich/a  Ti ortié chest articul a n/a amich/a


Per l contegnú di comentars é l autour dl medem responsabel

Comentars anonims n'é nia ametus, preibel registredeves denant

Totschweigen (ponc: 1)
da travers ai 02 March 2004 da les 10:44:27
(Infos sun l utilisadour | Ti mané n messaje privat)
N rejim a cotant de mesi per controlé l'opinion publica: scluje i mesi d'informazion dla oposizion, ti tò i finanziamenc o ti tò la ousc a chi che la pensa autramenter. Per fortuna ne à Bulsan ciamò nia l dert costituzional de saré pro i media ma al pò finanzié o nia finanzié chi che ne ti sta a mus; i Agancins l à prové sun sia pel.
Dlongia chesta maniera n puech da totl à Bulsan n meso plu sotil y sterch: "einfach das Mikrophon abschalten" canche na ousc descorda con la mujiga ofiziala dl Lont. Doi ejempli: l aniversar dla "Plata di Ladins" y l "Manifest per na politica linguistica ladina". Da Bulsan deguna reazion: no n compliment, no aodanzes, no na resposta, no n comentar, no na critica, nia de nia! Presidenc y diretours de istituzions ladines, intendent y autres autorités scolastiches, y samben l assessour a la cultura ladina y siei fanc y fanceles, duc scouta chiec. Per n valgugn de chisc se trataràl de oportunism, "schweigen ist Gold", per d'autri de politica de desinformazion. Ne stede demé nia a pensé che dut chest suzed per cajo; i é audì plu iadesc da chi berbesc che ai ne se lascia nia "provoché", "einfach totschweigen" enfina che al ti fala l flé a chi "rompiscatole" (dut chest dit te n bon ladin ofizial).
Te d'autri paisc plu democratics ti dijéssen a valch de tel "aroganza dl podei" y ne vegnissa dessegur nia azeté da la jent. Bei uns in Tirol indere é chest dut bon y dret, an ne dess nia desturbé chi che tegn l temon tles mans (dijòven ai temps de Stalin)!
I posse ben capì che les "Dolomitem" ne se cruzie nia cis de cie che pensa i Ladins, ma cie che i ne capesce nia é che finamai la Rai y dantaldut "La Usc di Ladins" tol pert a chest juech dl scuté chiet. Ne é o ne é La Usc nia l organ de informazion dla Union Generela di Ladins o và demé plu la redazion al ofize stampa de Bulsan a cueie adum de bones informazions sun Ladins? O él la Union di Ladins che à dé su de ester la ousc de duc i Ladins. Al fossa ora che la presidenza dla Union di Ladins sclarissa chesta chestion!


News ©
 
  www.noeles.net



Impressum: Plata on-line publicheda da l'Union Scritours Ladins Agacins - Redazion: Bulsan noeles.info@gmail.com


Implatazion: 0.494 seconc