benvegnus Noeles.net - Informazion ladina
Noeles.net
    Vos ne seis nia loghé ite.   [ Loghé ite ]    

La Plata Ladina y i liams interladins
scrit ai 28 February 2004 da les 22:30:11 da noeles

Cultura

 

La Plata Ladina y i Ladins tla provinzia de Belun

La Plata Ladina vegn fora sun trei edizions "Corriere delle Alpi - Trentino - Alto Adige" y á perchel daidé da sourvenje de chest vers i confins - Les aodanzes dla Comunanza Ladina a Bulsan

Canche na istituzion coche la Plata ladina complesc 25 agn de vita él dagnora valch da se giaude. Emprumadedut à la Union Scritours Ladins Agacins y sie president siour Berto Videsott abù l merit de ti dé na sburla a la valorisazion dl lingaz ladin, per secont àl tres traté argomenc y problems desvalifs che deida pro a la dialetica y al confront de deplù minonghes. Al à sapù te duc chisc agn da tegnì na linia clera, datrai ence con valch dificolté, auzan l valour dl ladin sie coche lingaz sie coche realté soziala y politica soura i confins fora. La vila de Davedin ta Fodom: ladins gonot aratés perdus.



 I fondadours dla plata ladina à desmostré profescionalité tl ciamp dl’informazion, coraje tl critiché dezijions che ne vedova nia duc a una, idealism tl volei arjonje fins per l ben de duc i ladins, determinazion tl porté inant sies idees. Augures per chest a la plata ladina dut l ben per l davegnì.

Ad multos annos.

Ivan Lezuo - President dla Comunanza Ladina a Bulsan

N particolar che ne é nia vegnù dit en gaujion di 25 agn de la Plata Ladina

Anter dutes les congratulazions y les conscidrazions fates sun i doi sfueis speziai en gaujion di 25 agn de La Plata Ladina, ne él vegnù dit nia o recordé de coche chesta plata é empò resteda sun l "Corriere delle Alpi" (edizion de Belun dl foliet Alto Adige/Trentino). Al paia la mueia renfresché la memoria con recordé che chest sfuei eva vegnù trat demez da la edizion de Belun (Corriere delle Alpi), dant da cater agn per n struf. Demé les letres de protesta a la redazion zentrala de Bulsan da pert dles unions di ladins de Fodom, Col y Ampez ova fat mudé minonga y che al vegnissa mantegnù inant chest meso de comunicazion de gran emportanza per i contac transprovinziai y transregionai di Ladins. Puech dedò sclujova l Gazzettino l "cianton ladin", na lerch dedicheda al ladin y sfruteda dantaldut dai neo-ladins de Belun che clamé "articul" fossa i é dé n inom massa alagrana. Duc i ladins se tacova ciamò n iade a la Plata Ladina dl "Corriere delle Alpi", mantegnuda viva dilan a la volonté di ladins storics. Aldefora de chesta ne él degun foliet da vignidì tla provinzia de Belun che conzed na tel lerch al ladin. Viva la pluralité, viva la liberté de stampa, ma viva ence la verité di fac suzedus.

Lorenzo Soratroi


 
Liams emparentés
· Deplú sun l tema Cultura
· Chier te noeles


L articul plu liet te chest tema Cultura:
Sotescrivede l Manifest LADINIA 2005!


Valutazion dl articul
Cumpeida mesana de oujes: 0
Oujes: 0

Preibel toledeves dlaorela de valuté chest articul:

ezelent
dret bon
bon
normal
sclet



Empostazions

 Plata da stampé  Plata da stampé

 Ti ortié chest articul a n/a amich/a  Ti ortié chest articul a n/a amich/a


Per l contegnú di comentars é l autour dl medem responsabel

Comentars anonims n'é nia ametus, preibel registredeves denant
News ©
 
  www.noeles.net



Impressum: Plata on-line publicheda da l'Union Scritours Ladins Agacins - Redazion: Bulsan noeles.info@gmail.com


Implatazion: 0.364 seconc