25 agn y dagnora na posizion clera per i ladins
N encorajament da jì inant con la informazion per ladin
Da 25 agn encà informeia la Plata Ladina tl Alto Adige soura i avenimenc che interesseia dantaldut i ladins con noeles fora dla politica, dl sport, dla religion y trueps d’autri argomenc. Tla Plata Ladina giata lerch nia demé i ladins dles Dolomites, ma ence chi dl Friul y di Grijons à la poscibelté da lascé audì sia ousc. La Plata Ladina à dagnora abù na posizion clera per i ladins y de critica costrutiva per i avenimenc che nes reverda.
Congratulazions sentides y n dret bel dilan a Siour Berto Videsott y a duc i colaboradours dla Union Scritours Ladins Agacins per l laour che ai à fat y dut l ben y truepa legreza da jì inant per na informazion giusta y clera per i ladins.
L Consei dla Consulta per i problems ladins dl Comun da Bulsan
La secretera
Cherubina Nagler
La presidenta
Dolores Dariz
