"25 agn dla Plata Ladina" sun l Alto Adige
Does plates de edizion straordinara - Na raia de aodanzes, ma al vuel ester ence critiches - La ativité jornalistica é fondamentala per tegní vif l lingaz ladin
La “Plata di Ladins” sun l sfuei Alto Adige é tl complì i 25 agn, ai 21 de fauré él tant inant. Entratant l’edema gniràl enjigné ca na edizion straordinara, fata de does plates che rejonarà demé dla Plata lascian da na pert i avenimenc dl di. Al gnirà lascé lerch a les minonghes di letours, de valgunes autorités. Bonamenter na raia (schira) de aodanzes, ma dessegur ence valch critica, che daidarà mioré forma y contegnù. La Plata jirà dessegur inant, sceben che ala ae debujegn de colaboradours joegn. Enfin a sen àla podù conté sun la colaborazion de idealisć , de volontars, feter al cent per cent agacins, ma chest deventa tres y plu rie, ajache la cualité y l’atualité di articui se damana temp y informazion: doi fatours che costa y che mess vegnì paiés altamo per na pert.
Tla situazion de aldidancuei pòl vegnì dé ben puech. Tost saràl na senteda di agacins y di volentars per sclarì l problem. Chi che volessa mané valch osservazion pò anuzé l'e-mail: redazion@noeles.net o usla@dnet.t Entratant n bel dilan a duc i sozes, ai colaboradours y ai letours per la creta che ai nes à dé.
