La Consulta Ladina: "Al é gnù fat la lita"
Ala ejaminarà les domandes do contribuc culturai enfin al 2008
La Jonta provinziala de Bulsan à nominé encuei (16.02.2004) i membri dla Consulta Culturala Ladina per la legislatura nueva. L organism à anter l auter la enciaria de dé ju n arat per cie che reverda la assegnazion de contribuc y de sostegns tl setour cultural. La Consulta culturala ladina resta en ciaria enfin al ann 2008 y vegnirà presidenzieda dal assessour provinzial a la Cultura ladina, Florian Mussner. Sun l retrat: Hubert Irsara, un di componenc dla Consulta.
Dla Consulta Culturala fej pert Hubert Irsara de Badia, Bruno Senoner de S. Cristina, Lois Ellecosta de Al Plan y Hilda Sottara Clara da San Martin. Secreteria dla Consulta Culturala é Katharina Tasser, funzionara dl Ofize “Cultura y Scola ladina”.
