Al vegn chirí 20 artisc´ ladins
Al sará lerch per apresciapuech 60 chedri, 3 per artist - Artisc' de dutes les valedes y furlans pò tó pert
La Comunanza Ladina a Bulsan met a jì dai 14 ai 3 de mei 2004 tl Ciastel Maretsch (foto) a Bulsan na mostra de chedri. L fin é chel de deladé i confins dl’ert ladina y de sostegnì artisc’ joegn. L consei dla Comunanza à dezidù de chirì fora i artisc' enstes o con l aiut y les indicazions dles assoziazions che se dà ju con l’ert.
Foradechel se à l consei dla Comunanza fat fora chestes condizions per podei tò pert a la mostra:
Al pò tò pert demè artisc' ladins y de bon livel (che ae fat l’academia o che sie bele conescius tl mond dl’ert) con chedri a uele, pitura a ega o de autres tecniches.
Al pò tò pert artisc’ de: Val Badia, Gherdeina, Fascia, Fodom con Col y Ampez auna, Val de Non, ladins da Bulsan (chilò mess almanco un/a ester furlan/a).
Vigni valeda pò mané ite endut 10 chedri de trei o dut alplù cater artisc’ per avei n total de zirca 60 chedri y 20 artisc’.
Vigni artist messarà prejenté n curiculum y mané ite n retrat di chedri che vegnirà prejentés (enchin al plu tert ai 1 de merz 2004).
I chedri à da ester de na mesura mesana ajache la lerch sun parei ne é nia tant grana.
An ne pò nia jì de contra les dezijions toutes dal consei dla Comunanza y nience fé reclam contra eles.
Al vegn fat al savei che:
i chedri vegnirà assegurés
i conseiers dla Comunanza fajarà la verda a la mostra.
Pont de referiment é la Consulta per i problems ladins dl Comun de Bulsan, secretera Cherubina Nagler, numer de telefon: 0471 974239.
L President dl consei dla Comunanza Ladina a Bulsan
Ivan Lezuo
