La patria, i creps, i colours dles sajons, i amours
Fonso Willeit, Susy Rottonara y Erika Ploner acompagnés al clavier da Ulrich Willeit y Max Ploner endò dant al publich
de Ulrike Frenademez
Do la premiera de "Cianties y balades ladines" de november 2003 tl Salf Mercantil a Bulsan, sun iniziativa dla Consulta Ladina a Bulsan, che é sté n dret suzes, vegn sen l conzert ence porté ite tles valedes ladines. L Istitut "Micurà de Rü" se à tout soura la organisazion y envieia chest fin d'edema, ai 8 de fauré da les 17.00 tla Ciasa J.B. Runcher a Badia y ai 15 de fauré, tres da les 17.00, tl'Aula Magna dla scola elementara de Urtijei.
Sun l retrat da manciancia: Ulrich Willeit, Max Ploner, Erika Mussner, Susi Rottonara, Fonso Willeit y Olga Moling, viadedò Lois Ellecosta en gaujion dla premiera de november 2003 tl salf Mercantil a Bulsan.
"Cianties y balades ladines" é na vela de poesies metudes en musiga da Fonso Willeit da La Pli, mede di mutons en pension, da trueps agn enciasé a Maran, ma tres sté atif tl ciamp dla cultura ladina desche duta la familia Willeit de La Pli. Al sarà n domisdé particolar dediché deplen a les poesies ladines, composizons leterares metudes en musiga y ciantedes, de autours ladins conescius desche Tita Alton, Angelo Trebo, Pio Baldissera y Lois Ellecosta. Pro l program él ruvé permez does composizions nueves, una de Matie Declara y una de Iaco Ploner. Les composizions de Tita Alton à desche contegnù les liejendes ladines, desche l Gran Bracun, te d'autres végnel decianté la patria ladina, les sajons, i amours y la natura. Pro n valgunes cianties à Fonso Willeit enstes scrit l test. Les composizions vegnirà portedes dant da Fonso Willeit (bariton) y da les virtuoses Erika Mussner y Susy Rottonara. Na picia raprejentazion danterite fajarà ence n cor de mutons sot la bacheta de Olga Miribung. Al clavier Ulrich Willeit, fre de Fonso y Max Ploner.
Cianties da vigni dì:
A les beles vals ladines (Pio Baldissera),
Orazion da seira (Pio Baldissera),
Ciantia de cuna (Fonso Willeit),
Orazion da doman (Fonso Willeit),
La oma (Angel da Punt),
Ai Ladins (Tita Alton),
A Reveder (Tita Alton),
Dolasila (Fonso Willeit),
A la oma (Fonso Willeit),
L cest vuet (Fonso Willeit),
Ie vue te costodì, mie mut (Ronald Kurz)
Susi Rottonara – Sopran,
Ulrich Willeit – Clavier:
Cianties d’amour:
Passé (Lois Ellecosta),
Massa tert (Lois Ellecosta),
Ben danter mile steiles (Lois Ellecosta),
Seira d’invern (Iaco Ploner)
Erika Mussner –Sopran
Tralascé - zicle de cianties de Angelo Trebo:
Tralascé,
L lé de mont,
L bal,
A la nuet,
Perié
Fonso Willeit – Bariton,
Max Ploner – Clavier:
L bracon (Tita Alton)
Duet, Fonso Willeit y Olga Moling: Sopran + bariton / clavier:
La roda (Matio Declara)
