Jops de domandes de laour
Al vegn demé plu azeté domandes per laoranc da nazions con contingent per gastronomia y agricoltura
Da en lunesc pòn dé ju ti ofizes dl laour les domandes de aprovazion per laoranc sajonai y ence a temp indeterminé per zitadins extracomunitars."Davia che te Südtirol pòl demé ti vegnì dé a n cert numer de persones laour indeterminé, él te chest caje trueps che fej domanda", enscì l diretour dl ofize provinzial per l laour, Helmuth Sinn.
Enfin a sen él bele vegnù dé ju tles sentes destachedes passa 200 domandes per laours nia-sajonai tl ciamp dla gastronomia, ence sce al pò demé vegnì dé fora 48 aprovazions per chest setour. Ence tl'agricoltura él gnù dé ju cotant de plu domandes che va tamben bele soura les cuotes a desposizion. "Per chesta rejon pòl da sen inant demé plu gnì dè ju domandes de laour per dut l ann tla gastronomia y tl'agricoltura per laoranc da nazions che à giaté n contingent a pert", dij Sinn. Al se trata chilò dl'Albania, Tunisia, Maroco, Egit, Nigeria, Moldavia, Sri Lanca, Bangladesh y Pachistan. "Dé ju domandes de laour per l ann entier, per laoranc de d'autres nazions ne à degun valour. Chestes domandes ne vegn nia plu azetedes", sotrisseia l diretour dl ofize provinzial.
