benvegnus Noeles.net - Informazion ladina
Noeles.net
    Vos ne seis nia loghé ite.   [ Loghé ite ]    

Academia Europeica Bulsan: les mendranzes tl'Europa
scrit ai 28 January 2004 da les 08:33:37 da noeles

Manifestazions

 

"Standards normatifs per la sconanza dles mendranzes y i svilups tl davegnì tla UE"

Da vender ai 30 de jené a la sabeda 31 de jené tla senta dla EURAC con esperc internazionai

Tla giurisdizion dla Union Europeica ne abìnen nia lere normes per la sconanza dles mendranzes y chestes ne fova nience prevedudes tla proposta de costituzion comunitara, per entratant metuda da na pert. Marevueia, propi la Presidenza taliana al Consei Europeich à derzé fora valch te chest ciamp, vedan dantfora n enscidit "catalogh de valours". Chest fin d'edema, dai 30 ai 31 de jené, rejonarà 13 esperc pro l Convegn metù a jì tla EURAC soura "Mendranzes y autonomia tla Union Europeica: les prospetives con l ampliament dla Union y coche al podessa ester meso de ancoré plu ferm prinzips de sconanza dles mendranzes al intern dles politiches dla UE".

Bojan Brezigar, President dl'EBLUL "Ofize Europeich per i lingac manco rejonés"



Veir él zenzauter che ti vedli statesc dla UE àn gonot abù puecia sensibelté devers les mendranzes. Per i statesc nuefs che vegn permez en autra outa àn depierpul clermenter auzé i standards, ma la sourantouta de de tel normes tamben al intern dla UE é dassen vegnuda metuda en discuscion. Chesta situazion melsegura podessa saurì bandolé de un o dl auter vers do l ampliament. Per scluje ju l Convegn se àn tout dant de mete ju na declarazion/ressoluzion da porté sun la meisa de discuscion europeica, dij Grabriel Toggenburg, espert de dert comunitar pro la EURAC.

Al convegn se aspéten, danterauter, Bruno de Witte, renomé espert de dert comunitar (Professour pro l Istitut Universitar Europeich de Firenze), Rachel Guglielmo (Diretour dl Zenter for Human Rights&Conflict Resolution Boston USA), Rainer Hofmann (President dl Comité Consultif dla Convenzion cheder sun la sconanza dles mendranzes dl Consei Europeich a Strasburg), Frank Hoffmeister (Comiscion Europeica, servisc giuridich, Bruxelles), Bojan Brezigar (President dl'EBLUL "Ofize Europeich per i lingac manco rejonés", Bruxelles), Boris Tsilevich (Member dl Parlament leton y fondadour dla rei d'informazion per les mendranzes "Minelres"), Marc Weller (Professour a la Cambridge University y diretour dl'ECMI a Flensburg), ma ence  John Packer (Diretour tl ofize dl'OSCE  per les mendranzes y atualmenter professour  ospit a la Harvard University.


 
Liams emparentés
· Deplú sun l tema Manifestazions
· Chier te noeles


L articul plu liet te chest tema Manifestazions:
Festa de benefizenza sun Mont de Pana, n gran suzes


Valutazion dl articul
Cumpeida mesana de oujes: 0
Oujes: 0

Preibel toledeves dlaorela de valuté chest articul:

ezelent
dret bon
bon
normal
sclet



Empostazions

 Plata da stampé  Plata da stampé

 Ti ortié chest articul a n/a amich/a  Ti ortié chest articul a n/a amich/a


Per l contegnú di comentars é l autour dl medem responsabel

Comentars anonims n'é nia ametus, preibel registredeves denant
News ©
 
  www.noeles.net



Impressum: Plata on-line publicheda da l'Union Scritours Ladins Agacins - Redazion: Bulsan noeles.info@gmail.com


Implatazion: 0.344 seconc