benvegnus Noeles.net - Informazion ladina
Noeles.net
    Vos ne seis nia loghé ite.   [ Loghé ite ]    

Union di Ladins da La Rocia
scrit ai 27 January 2004 da les 19:11:11 da noeles

Cultura

 

La Rocia se ouj devers l Sela

La Union di Ladins do la Marmoleda vuel se lié ite con i ladins fodoms y ampezans y sostegn l Istitut Ladin nuef a Col Santa Lizia 

da La Union Ladins da La Rocia

Al someia che plan plan devéntel realté cie che nosta Union de La Rocia perdicova da plu de 20 agn, denant con l grup de jent avisé da la maestra Irma y dedò dal diretif nuef dl’assoziazion.  I recordon che i Ladins é reconescius a Roma al pèr de dutes les autres realtés linguistiches nia talianes y sceben che i ne son zenz’auter nia a livel de reconesciment de nosc jormans te Südtirol o tl Trentin, él vegnù fat de gran varesc inant y d'autri nen podaràn dessegur fé.   I pareis dla Marmoleda da sud. La Rocia anter i neo-Ladins de Belun y i Ladins dl Sela.



Desche Union di Ladins sonse do che i empoion l nuef Istitut Culturel Ladin de Col de S. Lizia y pernanche al é poscibel deventarà nost comun soze de chesta istituzion importanta che perveid de avei liams strenc de laour con i doi istituc che funzioneia bele agn via en Badia y via en Fascia. Dessegur podaronse te valch ann vedei i resultac dl laour dl Istitut che fajarà da pont de referiment per dutes les ativités che vegnirà fates per la conservazion dl ladin. L obietif che i on a uedl é l ensegnament dl ladin tles scoles y i son convencius che al ne ti tolarà nia al savei de nosc pici, souraldut sce an scomenciarà a introduje l ensegnament de na materia per ladin; an podarà ensegné storia oben geografia o valch de auter te nost lingaz, zenza ti tò demez lerch al ingleis o al todesch, per fé ladin.
Sce les istituzions s’à dé da fé per arjonje finanziamenc, ne onse nia da ester propi nos a ostacolé chesta streda che enfin a sen à portè demé dl ben te nosta comunité y per chest sonse segurs che al sie da tegnì en pé nosta cultura y nost lingaz l plu che al é meso y che duc adum messonse nes proé per ne ruvé nia tla desmentianza, ciuldì che canche i rejonaron venet y nostes tradizions sarà valives a cheles dla planura, ne aronse davagné nia, ma i saron dessegur en puech plu pueresc. 


 
Liams emparentés
· Deplú sun l tema Cultura
· Chier te noeles


L articul plu liet te chest tema Cultura:
Sotescrivede l Manifest LADINIA 2005!


Valutazion dl articul
Cumpeida mesana de oujes: 0
Oujes: 0

Preibel toledeves dlaorela de valuté chest articul:

ezelent
dret bon
bon
normal
sclet



Empostazions

 Plata da stampé  Plata da stampé

 Ti ortié chest articul a n/a amich/a  Ti ortié chest articul a n/a amich/a


Per l contegnú di comentars é l autour dl medem responsabel

Comentars anonims n'é nia ametus, preibel registredeves denant
News ©
 
  www.noeles.net



Impressum: Plata on-line publicheda da l'Union Scritours Ladins Agacins - Redazion: Bulsan noeles.info@gmail.com


Implatazion: 0.386 seconc