benvegnus Noeles.net - Informazion ladina
Noeles.net
    Vos ne seis nia loghé ite.   [ Loghé ite ]    

Academia Europeica Bulsan: L'Irlanda dl Nord y l prozes de pesc
scrit ai 26 January 2004 da les 14:51:46 da noeles

Manifestazions

 

“La Irlanda dl nord y l prozes de pesc"

Prejentazion dl liber con l prof. Antony Alcock, University of Ulster, UK, dot. Davide Bianchi, Università Insubria de Como y prof. Giovanni Poggeschi, EURAC, en juebia, ai 29 de jené, da les 17.00 tla EURAC.

Antony Alcock, irlandeis dl Nord, é da diejenes de agn n espert conesciù y chirì te tematiches che reverda les mendranzes y rejiaries (stritaries) etniches. Al é bonamenter l prum tl raion anglosasson che à analisé a fonz l’Autonomia tla Provinzia de Bulsan. L majer peis te si studes fej fora l conflit che veid sia patria scarzeda anter protestanc y catolics. En colaborazion con Giovanni Poggeschi, archiridour pro la EURAC de Bulsan y de d'autri politologs, à Alcock realisé n stude intitulé “Peace Process through constitutional arrangements in Northern Ireland” che é vegnù publiché tla morona de “I sfueis dla EURAC".


L nojel dla chestion, chel che i autours analiseia, é, sce l “good friday agreement” di 10 auril 1998, tres chel che al é gnù fat mudazions essenziales a la costituzion con l fin de apajé via les relazions anter les fazions aversares per dagnora, ae arjont sie travert o nia. Alcock, desche irlandeis da ciasa, portarà dant sie testimonial sun i ultims svilups tla Irlanda dl Nord y al spligarà ciuldì che tl davegnì jiràl debujegn de mete en doura mesures soziales y nia demé de carater costituzional.

Davide Bianchi é archiridour pro la Facolté de Scienzes politiches a l’Université dl'Insubria (Como), olà che al à acomplì si studes te “Storia y dotrina dles istituzions”. Anter si interesc figureiel la storia dla devoluzion tla Gran Bretagna. La manifestazion vegnirà  tegnuda tl lingaz ingleis.

Contat y informazions dantfora: Karin Mantovani, Tel. 0471 055 035, e-mail: karin.mantovani@eurac.edu


 
Liams emparentés
· Deplú sun l tema Manifestazions
· Chier te noeles


L articul plu liet te chest tema Manifestazions:
Festa de benefizenza sun Mont de Pana, n gran suzes


Valutazion dl articul
Cumpeida mesana de oujes: 0
Oujes: 0

Preibel toledeves dlaorela de valuté chest articul:

ezelent
dret bon
bon
normal
sclet



Empostazions

 Plata da stampé  Plata da stampé

 Ti ortié chest articul a n/a amich/a  Ti ortié chest articul a n/a amich/a


Per l contegnú di comentars é l autour dl medem responsabel

Comentars anonims n'é nia ametus, preibel registredeves denant
News ©
 
  www.noeles.net



Impressum: Plata on-line publicheda da l'Union Scritours Ladins Agacins - Redazion: Bulsan noeles.info@gmail.com


Implatazion: 0.369 seconc