Na lege dess garantì plu segureza sun les pistes

La lege nazionala sun les pistes ne va endere nia en doura atira ence te Südtirol che pò emané sies normes te chest ciamp

Ai 20 de jené él ju en doura la nueva lege statala che regolamenteia la segureza sun les pistes dai schi. Chesta ne vel endere nia automaticamenter ence te Südtirol, olà che an "chirirà d'autres soluzions", dij l assessour per l turism, Thomas Widmann. Südtirol à 6 meisc de temp per adaté les normes nazionales a cheles provinziales. L aument di inzidenc, ence mortai, sun les pistes se ghira na legislazion tres plu clera y dura con straufonghes autes y vardians sun les pistes.

"Te Südtirol onse entratant ciamò nostes normes y regoles. Per via dl'autonomia y dles competenzes primares ne vegn chestes normes statales nia sourantoutes diretamenter te Südtirol" spliga l assessour Widmann. "Tla Provinzia de Bulsan vélel inant la lege provinziala che regoleia chesta materia. Per chesta gauja ne vegniràl per entratant nia apliché les straufonghes vedudes dantfora da la lege nueva, ma nia plu codie. L statut de autonomia veid dantfora n temp de sies meisc per che Südtirol adateie sies normes a la norma nazionala, ti lascian lerch per soluzions y trois autonoms ti detais. Permò do chest termen de mez ann pò l Stat pluré la lege provinziala dant da la Court costituzionala y sforzé a mete en doura la norma statala", spliga Widmann.

(fontana: osp)