Deguna lerch per n liam de noeles.net sun Ladinia.net, ma sun alguer.it ben 

Coche al suzed enscì ....... l database contegn sen entourn 70 liams te 12 categories

Jan en banon sun internet s'entòpen, anter l auter tres i motors archiridours, tres endò te cosses nueves, p.ej. marevueia che l sit Alguer.it (http://www.alguer.it) à metù te sia sezion de liams ence n liam a noeles.net, per cie motif ne san nia avisa. Dessegur ruva un o l auter sun nostes plates. Alghero o Alguer é na zité tla Sardegna olàche al vegn rejoné catalan, na mendranza dret ativa che giata tres deplù sostegn da la Catalunya. Dut autramenter chilò: sceben che noeles.net é scrit deplen per ladin ova l Istitut Ladin Micurà de Rü refodé sun domanda de mete anter i liams sun Ladinia.net l referiment a noeles.net.

Y canche al fova vegnù metù l liam al dizionar on-line, ence telefonedes anomines, dijan de l fé "sun enciaria dl Consei" per ghiré che al vegnissa tout demez. Sun Ladinia.net (net volessa perdret dì "rei" - de liams) fàlel perauter ence l liam a un di miours sitesc de informazion generala sun i ladins www.vejin.com.  Coche al suzed mefo enscì .....

Al vegn tout l'ocajion per indiché  che tl menù souracà él vegnù metù permez la indicazion ai liams contegnus tl database de chest sit che pò gonot ester d'utl, enfin a sen encer 70, partis su te 12 categories.